فوتو: راديو ازاتتىك

قىرعىزستان رەسپۋليكاسىنىڭ بۇرىنعى پرەزيدەنتى روزا وتۋنباەۆا نە سەبەپتى سوورونباي جەەنبەكوۆتىڭ يناۋگۋراتسياسىنا قاتىسپادى؟

قىرعىزستان پرەزيدەنت اكىمشىلىگى تاراتقان مالىمەت بويىنشا، روزا وتۋنباەۆا سوورونباي جەەنبەكوۆتى ۇلىقتاۋ راسىمىنە شاقىرىلماعان. سول سەبەپتى دە انت بەرۋ راسىمىندە بولماعان. بىراق ءبىر قىزىعى ونىڭ نە سەبەپتى شاقىرىلماعانىن پرەزيدەنت اكىمشىلىگى تۇسىندىرمەگەن.

روزا وتۋنباەۆانىڭ اتالمىش سالتاناتتى شاراعا نە ءۇشىن شاقىرتۋ الماعانىن ءار كىم، ءار قالاي باعالايدى. بىراق كوپشىلىگى بۇنى وتۋنباەۆا مەن اتامباەۆ اراسىنداعى كەلىسپەۋشىلىكپەن بايلانىستىرادى. ويتكەنى بۇعان دەيىن روزا وتۋنباەۆا قىرعىزستاننىڭ تاۋەلسىزدىك كۇنىندە المازبەك اتامباەۆتىڭ ەل حالقى الدىندا ءسوز سويلەپ تۇرۋىنا قاراماستان ساحنادان كەتىپ قالعان بولاتىن.

ەستەرىڭىزگە سالايىق، سوورونباي جەەنبەكوۆتىڭ يناۋگۋراتسياسى قاراشا ايىنىڭ 24-ءى كۇنى بولعان. وعان الىس جانە جاقىن شەتەلدەردىڭ باسشىلارى شاقىرىلماعان. ۇلىقتاۋ راسىمىنە شەتەلدىك قوناقتاردان تەك بىشكەك قالاسىنداعى ەلشىلىكتەردىڭ قىزمەتكەرلەرى عانا قاتىسقان.

“The Qazaq Times”