Foto: RIA Novosti / Aleksandr Astaf'ev

Sooronbay Jeenbekov Qırğızstan prezidenti qızmetine kiristi. Prezidenttiñ inauguraciya saltanatı "Ala-Arça" rezidenciyasında ötti. Respublikanıñ jaña prezidenti eldiñ müddesin birinşi orınğa qoyuğa saltanattı türde uäde berdi, dep habarlaydı 24.kg.

Bwdan bölek, ol el biligine qatañ talaptar qoyatın boladı. Ol sözinde: "Demokratiyanıñ eki serigi bar: birinşisi - erkindik, ekinşisi - jauapkerşilik. Men halıq aldındağı mindetimdi orındau üşin bar uaqıtım men küşimdi jwmsaymın", - dedi.

Sonday-aq, Qırğızstannıñ jaña prezidenti jemqorlıqpen küres jürgizge jäne sot jüyesiniñ aşıq boluın qamtamasız etuge uäde berdi. «Biz sot infraqwrılımın edäuir jaqsartıp, cifrlı ädil sot jüyesin engizuimiz kerek, sonda ğana sud'yalar aşıq äri jauaptı boladı», - dedi Sooronbay Jeenbekov.

Endi Jeenbekov bergen uädesi boyınşa birinşi jarlığında eks-prezident Almazbek Atambaevtı marapattauı tiis. Al Atambaev bolsa qırğız elinen senimderin aqtamağan bolsa keşirim swraytının ayttı.

Qırğızstanda Prezident saylauı 15 qazan küni ötip, Sooronbay Jeenbekov 54,77 payız dauıspen jeñiske jetti.

Ayta keteyik, Qırğızstanda saylaudıñ ötuine az qalğanda Qazaqstan men Qırğıztan arasındağı sayasi, ekonomikalıq jağday şielenise tüsti. Bwl Qazaqstan Prezidenti Nwrswltan Nazarbaev qırğız prezidenttigine ümitker Ömirbek Babanovpen kezdeskenen keyin bastalğan. Osıdan keyin Almazbek Atambaev resmi Astananı "eldiñ işki sayasatına qol swqtı" dep ayıptap, Qazaqstanğa qarsılıq notasın jibergen. Qazaqstan tarapı qırğız biliginiñ bwl qarsılığın negizsiz ekendigin aytıp, jauap qatqan bolatın. Biraq eki el arasındağı dau bwnımen ayaqtalmağan. Qırğızstandağı prezident saylauına deyin de, keyin de Atambaev öziniñ är mälimdemesinde Qazaqstan biligin sınauın toqtatpauda.

“The Qazaq Times”