Photo: en.apa.az

Osı jıldıñ qazan ayınıñ qorıtındısı boyınşa Qazaqstanda kümis mölşeri 1 gramm bolatın äşekeylerdiñ  ortaşa bağası 1369 teñge bolğan. Osılayşa kümis bir ayda 1%-ğa, bir jılda  7%-ğa qımbat bolıp otır.

Energyprom.kz saraptama agenttiginiñ mälimetinşe, kümis äşekeyler eñ qımbat twratın öñir Atırau (gramı 1876 tg, bir jıldağı ösim +19,2%) jäne Almatı (1785, ösim +3,5%).

Al altın bwyımdar gramı boyınşa bir jıl işinde 9,6%-ğa, 14,9 teñgege deyin qımbattağan. İri qalalar men megapolister arasında altın zergerlik bwyımdar Astana qalasında öte qımbat - mwnda bir gramm üşin 23,7 mıñ teñge töleuge tura keledi nemese bağa jılına 19,7%-ğa ösken. Kökşetauda bir jılda bir gramm üşin bağa 22,1%-ğa, 6,5 mıñ teñgege deyin köterilgen.

Bwdan bölek, öñdelmegen kümis şığaru jılına 2,4%-ğa azayıp, körsetkiş 10 aydıñ işinde 870,9 tonnağa deyin tömendegen. Negizgi öndiruşi öñirler - Batıs Qazaqstan jäne Qarağandı oblıstarı.

Al öñdelmegen altındı şığaru kerisinşe, 15,9%-ğa, 70,2 tonnağa deyin köbeygen. Qazaqstandığı "altın" öñirler - Aqmola jäne Şığıs Qazaqstan oblıstarı.

“The Qazaq Times”