500 teñgelik banknotanıñ jaña ülgisi. Foto: nationalbank.kz

QR Wlttıq Banki 2017 jılğı 22 qaraşadan bastap, 2017 jılğı ülgidegi dizaynı özgertilgen nominaldıq qwnı 500 teñgelik banknottardı aynalısqa şığaradı. Bwl turalı bas banktiñ baspasöz qızmeti habarladı. 

Banknottıñ dizaynı aynalıstağı «Qazaq Eli» seriyasınıñ aqşa belgilerimen birıñğay stil'de – bet jağında basım türde tiginen beyneler, al sırt jağında köldeneñ türinde beyneler orındalğan. Basım tüsi – aşıq tüsti kök. Banknottıñ ölşemi – 130h62 mm.

Ayta keterlik jayt, banknotanı dayındau erte bastalğandıqtan ondağı jazular kirillicağa negizdelgen älipbige säykes orındalğan.

"Wlttıq valyuta – teñge banknottarı men monetalarındağı jazulardı özgertu jwmısın Wlttıq Bank «Qazaq tili älipbiin kirillicadan latın grafikasına köşiru turalı» Qazaqstan Respublikası Prezidenti N. Ä. Nazarbaevtıñ 2017 jılğı 26 qazandağı № 569 Jarlığına säykes
jürgizetin boladı" , - delingen baspasöz habarlamasında.

Banknottıñ bet jağı:  Negizgi beyneler – banknottıñ oñ jağındağı «Qazaq Eli» monumenti jäne ortasında tömengi bölikte wşıp bara jatqan kögerşinder.

Joğarı böliginde ortasında jäne sol jağınan Qazaqstan Respublikasınıñ memlekettik rämizderi: memlekettik eltañba jäne memlekettik tu beynelengen. Sol jaqta tömende jäne joğarı jaqta nominaldıñ cifrlıq beynelenui, sol jaqta ortasında nominaldıñ memlekettik tildegi äriptik beynelenui ornalasqan. Joğarı sol jaq bwrışında «QAZAQSTAN WLTTIQ BANKİ» degen
jazba, onıñ astında qoldan jasağanı üşin jauapkerşilik turalı eskertetin «Banknottardı qoldan jasau zañmen qudalanadı» degen memlekettik tildegi jazba ornalasqan.

Banknottıñ sırt jağı: Negizgi beynesi – Kaspiy teñizi, onıñ artında – Qazaqstan kartasınıñ beynesi. Sol jağında tömende jäne oñ jağında joğarıda banknot nominalınıñ cifrlıq beynelenui, al tömende ortasında – orıs tilindegi äriptik beynelenui ornalasqan. «Poddelka banknot presleduetsya po zakonu» degen
jazba banknottıñ sol jaq bwrışında ornalasqan.

2006 jılğı ülgidegi jäne 2017 jılğı ülgidegi nominalı 500 teñgelik banknottardıñ qatar qoldanılu kezeñi 2017 jılğı 22 qaraşa – 2020 jılğı 10 mausım bolıp belgilendi jäne «2006 jılğı ülgidegi jäne 2017 jılğı ülgidegi nominalı 500 teñgelik banknottardıñ qatar aynalısta bolu kezeñin belgileu turalı» Qazaqstan Respublikası Wlttıq Banki Basqarmasınıñ 2017 jılğı 2 qaraşadağı № 207 qaulısına säykes jüzege asırıladı.

2006 jılğı ülgidegi jäne 2017 jılğı ülgidegi nominalı 500 teñgelik banknottar qatar aynalısta bolu kezeñinde Qazaqstan Respublikasınıñ bükil aumağında zañdı tölem qwralı bolıp tabıladı jäne tölemder men aqşa audarımdarınıñ barlıq türleri boyınşa qabıldanuğa mindetti.

Qazaqstan Respublikasınıñ Wlttıq Banki zañdı tölem qwralı bolıp tabılatın banknottar men monetalardı qabıldaudan bas tartu, Äkimşilik qwqıq bwzuşılıqtar turalı Qazaqstan Respublikasınıñ kodeksine säykes äkimşilik qwqıq bwzuşılıq bolıp tabılatının eske saladı.

“The Qazaq Times”