Ärbir qazaqstandıqtıñ bank aldındağı qarızı 3 aylıq jalaqığa teñ

Qazaqstanda 2017 jıldıñ qırküyek ayınıñ soñında jeke twlğalarğa berilgen twtınuşılıq kredit 2,9 trln teñgeni qwrağan jäne bir jıl işinde ösim 14,9% bolğan, dep habarlaydı Ranking.

Al bıltırğı jılı twtınuşılıq kredit kerisinşe, 6,5%-ğa nemese 2,5 trln teñgege azayıp ketken. Jeke twlğalarğa berilgen jalpı bölşek kreditterdiñ kölemi  61,2%-dan 64,4%-ğa deyin wlğayğan.

Jalpı Qazaqstannıñ 16 öñirindegi twrğındar twtınuşılıq qajettilik üşin kreditti belsendi türde alğan. Körsetkiş boyınşa Almatı aldıñğı orında - ösim 83,6 mlrd teñgeden 1,1 trln teñgege deyin bolğan.

Qarağandı oblısında twtınuşılıq kredittiñ kölemi 21,7%-dı qwradı nemese 32,1 mlrd teñgeden 180,2 mlrd teñgege deyin wlğayğan. Öñir twtınuşılıq nesie aluşılar ülesi boyınşa Qazaqstanda törtinşi orında.

Astana jıldıq ösim boyınşa üşinşi orında twr. Bas qalanıñ körsetkişi 30,8 mlrd teñgeden 231,5 mlrd teñgege deyin köbeygen. Qazaqstan boyınşa ülesi özgerissiz  – 8,1%.

2017 jıldıñ 3 toqsanınıñ soñına qaray twtınuşılıq nesieniñ deñgeyi 14,3%-ğa ösken jäne qızmetker bir adam üşin 447 300 teñgeni qwraydı. Osılayşa jwmıs isteytin bir ğana qazaqstandıqtıñ twtınuşılıq qarızı ortaşa eseppen onıñ 3 aylıq jalaqısına teñ.

Mısalı Almatıda bir jwmısşınıñ bank aldındağı twtınuşılıq qarızı 1,3 mln teñgeni nemese 7,3 aylıq jalaqısın qwraydı. Al Mañğıstau oblısınıñ bir ğana twrğını twtınuşılıq qarızın jabuğa 556 800 teñge nemese 2,1 aylıq jalaqısın jwmsaydı.

“The Qazaq Times”