Foto: Kursiv.kz

Endi Qazaqstanda bankter men wyımdar azamattardıñ jeke derekterine qol jetkizuge mümkindik aladı. Bwl turalı QR aqparat jäne kommunikaciyalar ministri Däuren Abaev mälimdedi.

Onıñ sözinşe, azamattardan elektrondı anıqtama talap etudi alıp tastau josparlanğan. "Birneşe memlekettik organmen birge Paper free nemese "Anıqtamasız qızmet körsetu" jobasın jüzege asıru josparlanğan. Joba  azamattardan eñ qajetti degen elektrondı qwjattardı talap etudi alıp tastauğa bağıttalğan", - deydi Abaev.

Ministrdiñ aytuınşa, 2016 jılı 37 mln memlekettik qızmet körsetilgen, olardıñ 23 millionın nemese 65%-ın elektrondı qwjattar beru qızmeti qwraydı.

"Barlıq elektrondı qwjattardıñ negizgi bes türine swranıs köp. Olar meken-jay anıqtaması - 15 mln, jıljımaytın müliktiñ joqtığı turalı anıqtama - 2,6 mln, jıljımaytın mülikke tirkelgen qwqıqtar boyınşa anıqtama  - 2,5 mln, zeynetaqı jarnaları boyınşa - 2 mln, sottalmağanı turalı anıqtama - 1,4 mln", - dedi ministr.

Endi osığan baylanıstı ministrlik elektrondı ükimet portalındağı azamattardıñ jeke derekteri üşinşi bir twlğağa, yağni bankterge, wyımdarğa jäne tağı basqalarğa qoljetimdi bolu üşin arnayı mehanizmdi iske qospaq.

Abaevtıñ sözinşe, negizgi şart boyınşa deldal qajet bolğan anıqtamanı azamattardıñ rwqsat etkeni turalı SMS-habarlamasınan keyin ğana ala aladı.

Ayta keteyik, bwl Qazaqstan azamattarınıñ jeke derekter qauipsizdiginiñ saqtalmauına äkep soğuı mümkin. YAğni alayaqtar qazaqstandıqtardıñ jeke derekterine oñay qol jetkizip, türli keleñsiz jağdaylar köbeyeri anıq.

“The Qazaq Times”