Qazaqstannıñ birinşi hanımı Sara Nazarbaeva men QR Prezidenti Nwrswltan Nazarbaev. Foto: 365Info

Aqmola oblısınıñ Aqköl audanında "WAKE UP 2017" forumı ayasında «Sara Nazarbaeva atındağı tabiği park» jobasınıñ tanıstırılımı ötti, dep habarladı oblıstıñ işki sayasat basqarmasınıñ öñirlik kommunikaciya qızmeti.

"Jobanıñ maqsatı - Aqköl audanında biosferalıq rezervat qwru. YAğni bwl biologiyalıq resurstardı belsendi paydalanu jäne biregey ekojüyelerdi saqtau arasında balans qwru. Tabiği park - turistik qızmet körsetuge bağıttalğan iskerlik jobalardı damıtu arqılı  jergilikti twrğındardı aymaqtıñ biregey tabiği resurstarın saqtauğa beyimdeu qwralı boladı. Bwdan bölek biz otbasılıq demalıs şaralarına basımdıq beremiz", - dedi "Twraqtı damu" jer qorınıñ prezidenti Alan Besen.

Äzirge joba Aqmola oblısınıñ äkimi Mälik Mwrzalinge, odan keyin respulikalıq deñgeyde wsınılatın boladı. Jobanıñ qaşan jüzege asatını jäne parktiñ qaşan aşılatını keyin belgili boladı.

“The Qazaq Times”