Қазақстанның бірінші ханымы Сара Назарбаева мен ҚР Президенті Нұрсұлтан Назарбаев. Фото: 365Info

Ақмола облысының Ақкөл ауданында "WAKE UP 2017" форумы аясында «Сара Назарбаева атындағы табиғи парк» жобасының таныстырылымы өтті, деп хабарлады облыстың ішкі саясат басқармасының өңірлік коммуникация қызметі.

"Жобаның мақсаты - Ақкөл ауданында биосфералық резерват құру. Яғни бұл биологиялық ресурстарды белсенді пайдалану және бірегей экожүйелерді сақтау арасында баланс құру. Табиғи парк - туристік қызмет көрсетуге бағытталған іскерлік жобаларды дамыту арқылы  жергілікті тұрғындарды аймақтың бірегей табиғи ресурстарын сақтауға бейімдеу құралы болады. Бұдан бөлек біз отбасылық демалыс шараларына басымдық береміз", - деді "Тұрақты даму" жер қорының президенті Алан Бесен.

Әзірге жоба Ақмола облысының әкімі Мәлік Мұрзалинге, одан кейін респуликалық деңгейде ұсынылатын болады. Жобаның қашан жүзеге асатыны және парктің қашан ашылатыны кейін белгілі болады.

“The Qazaq Times”