Photo: Informacionnoe Agentstvo Kabar

Almazbek Atambaev Talas oblısı halqınan keşirim swramaydı – dep mälimdedi Qırğızstan prezidenti äkimşiliginiñ basşısı Almaz Üsenov.

Onıñ sözinşe, prezident saylauınan beri beybit şeruler ötkizip jürgen Talas halıqınıñ artında «Respublika Ata-Jwrt» partiyası twr. Almaz Üsenov jurnalister aldında söylegen sözinde: «Babanov jaqtastarı wyımdastırğan şeruge qatısuşılar Almazbek Atambaevtıñ «Manas» jırınan üzindi oqığanın tıñdamay ülken qatelik jasadı. Mısala mwsılmandar üşin Qwran qasietti kitap. Eger imam halıq aldına şığıp Qwran oqıp, onı eşkim tıñdamasa, onda olardı qwdaysızdar dep atar edi. Sol siyaqtı Almazbek Atambaev ta «Manas» jırın tıñdamağan Talas halqın jaulap aluşı Äbike men Koboş wrpaqtarı dep atadı. El prezidentiniñ bwl sözi dwrıs aytılğan. Babanov jaqtastarı öz közqarasın özgertip, bwl jağdaydan dwrıs şeşim şığaruları kerek» - degen.

Esteriñizge salayıq, qazan ayınıñ 18-i küni Qırğızstan prezidenti Almazbek Atambaev Talas oblısı halqın qatañ sınğa alğan. Ol onda Talas halqın jaulap aluşı Şıñğıshan wrpaqtarı dep atağan bolatın.

“The Qazaq Times”