Täjikstan şetelde oqıp kelgen imamdardı jappay jwmıstan şığaruda

Täjikstan şetelde oqıp kelgen imamdardı jappay jwmıstan şığaruda.

Täjikstan Din jäne ädet-ğwrıp isteri komiteti törağasınıñ birinşi orınbasarı Ämirbek Beknazarov aymaqtardağı komitet basşılarına şetelderde oqıp kelgen barlıq imamdardı jwmıstan şığaruğa 15 kün uaqıt berdi. Jergilikti BAQ ökilderiniñ mälimetinşe, Din jäne ädet-ğwrıp isteri komitetiniñ basşılığı atalmış jarlıqqa qazan ayınıñ 28-i küni qol qoyğan. Olardı bwnday qadamdarğa baruğa şetelde bilim alıp kelgen imamdardıñ özderi itermelegen. Öytkeni soñğı bir jılda Täjikstan boyınşa, şetelde oqıp kelgen 20 imam jat ağımdardı nasihattağanı üşin qamauğa alınğan.

Bwğan deyin Täjikstan biligi «özge elderde dini bilim alıp jürgen 3600 -den astam täjikstandıq bar, olardıñ barlığın elge qaytaru kerek» degen mälimdeme taratqan bolatın. Biraq soñğı statistikalıq mälimetter boyınşa, el biliginiñ bwl mälimdemesine qaramastan äli künge deyin şetelderde 500-ge juıq täjikstandıq dini bilim aluda. Bir qızığı öz zamanında Täjikstannıñ bas muftii Saidmukarram Abdulqadirzodanıñ özi Päkistanda, al Din jäne ädet-ğwrip isteri komitetiniñ basşısı Süleymen Davlatzoda bolsa, Päkistan men Saud Arabiyada oqığan. Al atalmış zañnıñ olarğa qatısı bola ma, joq pa äzirge belgisiz.

“The Qazaq Times”