Ispaniya biligi Kataloniya ükimetiniñ müşelerin twtqınğa alıp jatır

Ispaniya sotı Kataloniya ükimetiniñ bwrınğı 8 müşesin twtqındau turalı şeşim qabıldadı. Bwl turalı RT aqparat agenttigi habarladı. 

Kataloniya ükimeti basşısınıñ orınbasarı Uriol Junkeras da wstalğan. Al täuelsizdik jariyalanğanğa deyin otstavkağa ketken Kataloniya ükimetiniñ bwrınğı keñesşisi Santi Vila 50 mıñ euro köleminde ötemaqı tölese bostandıqta qaluı mümkin.

Bwdan bölek Ispaniya biligi Kataloniyanıñ bwrınğı basşısı Karles Pudjemonttı twtqındauğa halıqaralıq order beru turalı şeşim qabıldadı. Sebebi ol jäne onıñ tört keñesşisi sotta bolmağan.

Ayta keteyik, 1 qazanda Kataloniya Prezidenti Karles Pudjemont täuelsizdik alu maqsatında ötkizilgen referendum jeñiske jetkenin habarlağan edi. Referendumğa Kataloniya azamattarınıñ 43,2 payızı qatısıp, dauıs bergenderdiñ 90 payızı Täuelsizdikti qoldaytındarın bildirgen. Ispaniya biligi el twtastığın saqtap qalu üşin qolınan kelgennen ayanbaytının aytqan edi.

Alayda bwl referendum kataloniyalıqtarğa oñay tigen joq. Tipti Ispaniya biligi tarapınan ayıp tağılıp, bas bostandığına qauip töngen Kataloniyanıñ bwrınğı basşısı Karles Pudjemonttiñ özi Bel'giya astanası Bryussel'de jürgeni turalı habar taradı. Özine qarsı tağılğan ayıptardan bas sauğalap, Bryussel'ge kelgen Karles Pudjemont arı qaray barlıq joldardı qarastırıp köretinin jetkizdi.

“The Qazaq Times”