الماتى وبلىسىندا بيىل قانت قىزىلشاسىنىڭ القابى 9 مىڭ گەكتارعا جەتتى. ودان 35 مىڭ توننا، ياعني رەكوردتىق ءونىم الىنادى دەپ جوسپارلانىپ وتىر. بۇل تۋرالى وبلىس اكىمى اماندىق باتالوۆ ورتالىق كوممۋنيكاتسيالار قىزمەتىندە وتكەن بريفينگ كەزىندە ايتتى، دەپ حابارلايدى وبلىس اكىمدىگىنىڭ ءباسپاسوز قىزمەتى.  

مىسالى كوكسۋ قانت زاۋىتى ءۇش جىل قاتارىنان جاڭعىرتۋدان وتكەن، 10 جىل توقتاپ تۇرعان اقسۋ قانت زاۋىتى بيىلعى جىلى قالپىنا كەلتىرىلىپ، 40 مىڭ توننا قانت قىزىلشاسىن قابىلدادى. «جەتىسۋ» ااك-ءنى تارتا وتىرىپ، 18 سەرۆيستىك دايىنداۋ ورتالىقتارى قۇرىلدى. وسىنىڭ بارلىعى قانت وندىرىسىنە وڭ ىقپال ەتەتىن بولادى.

اكىمدىكتىڭ مالىمەتىنشە، زاماناۋي اۋىل شارۋاشىلىعى تەحنيكالارى مەن ەليتالىق تۇقىم پايدالانۋدىڭ ناتيجەسىندە جەكەلەگەن شارۋا قوجالىقتارىندا ءار گەكتاردان جينالعان ءونىم  500-700 تسەنتنەرگە دەيىن جەتۋدە. ءسويتىپ، بيىلعى جىلدىڭ ءونىمى 350 مىڭ توننانى قۇرايدى دەپ بولجانىپ وتىر.

"35 مىڭ توننا قانت الساق، ءوڭىردىڭ قانتقا دەگەن سۇرانىسىن تولىق جابا الامىز. ءبىزدىڭ ماقساتىمىز – وبلىستىڭ عانا ەمەس، ەلىمىزدىڭ قانتقا دەگەن قاجەتتىلىگىن تولىق قامتاماسىز ەتۋ", - دەدى ا. باتالوۆ.

“The Qazaq Times”