Foto: VVS

Saud Arabiyasındağı äyelder 2018 jıldan bastap er azamattarmen qatar sport alañdarına oyın tamaşalauğa bara aladı. Qazir Riyad, Jidda jäne Dammam qalalarındağı sporttıq keşenderdi dayındau jwmıstarı jürgizilip jatır. Osıdan bwrın Saud Arabiyası äyelderine birinşi ret kölik jürgizuge rwqsat etilgen bolatın. Bwl turalı VVS aqparattıq agenttigi jazdı. 

Ekonomikası mwnayğa negizdelgen eldiñ tarihında twñğış ret äyelderge beriletin mümkindikterdiñ keñeyui - Saud Arabiyasınıñ 32 jastağı basşısı Mwhammed bin Salman hanzadanıñ  "Vision 2030 " strategiyalıq jobası ayasında qolğa alınıp otır. Ol Saud Arabiyası qoğamına köp äleumettik özgerister äkelip, Islam dinin jaña zaman talaptarına say etip, modernizaciyalaudı wsınğan bolatın. Aldağı uaqıtta arab qoğamında tıyım salınğan kinoteatr men koncert siyaqtı oyın-sauıq bağdarlamaları qalıptı jağdayğa aynaladı dep kütilude.

Mwhammed bin Salman: "Bizdiñ halqımızdıñ 70 payızı 30 jasqa deyingi jas azamattar. Olar Islam dini toleranttılıqtıñ belgisi bolatın qoğamda ömir sürgileri keledi", -dep habarladı.

Degenmen el işindegi radikalister äyelderge bwrınğıdan artıq erkindikter beriluine qarsı bolıp otır. Olar Riyad qalasındağı sport alañında Saud Arabiyasınıñ Wlttıq künin toylau şarasına äyelder birinşi ret qatısqan kezde narazılıq bildirgen bolatın. Teris pikir bildirgenderdiñ basım böligi -  uahabizm siyaqtı äyeldiñ qwqıqtarın qatañ şekteytin ağımdardıñ ökilderi.

“The Qazaq Times”