فوتو: ۆۆس

ساۋد ارابياسىنداعى ايەلدەر 2018 جىلدان باستاپ ەر ازاماتتارمەن قاتار سپورت الاڭدارىنا ويىن تاماشالاۋعا بارا الادى. قازىر رياد، جيددا جانە داممام قالالارىنداعى سپورتتىق كەشەندەردى دايىنداۋ جۇمىستارى جۇرگىزىلىپ جاتىر. وسىدان بۇرىن ساۋد ارابياسى ايەلدەرىنە ءبىرىنشى رەت كولىك جۇرگىزۋگە رۇقسات ەتىلگەن بولاتىن. بۇل تۋرالى ۆۆس اقپاراتتىق اگەنتتىگى جازدى. 

ەكونوميكاسى مۇنايعا نەگىزدەلگەن ەلدىڭ تاريحىندا تۇڭعىش رەت ايەلدەرگە بەرىلەتىن مۇمكىندىكتەردىڭ كەڭەيۋى - ساۋد ارابياسىنىڭ 32 جاستاعى باسشىسى مۇحاممەد بين سالمان حانزادانىڭ  "Vision 2030 " ستراتەگيالىق جوباسى اياسىندا قولعا الىنىپ وتىر. ول ساۋد ارابياسى قوعامىنا كوپ الەۋمەتتىك وزگەرىستەر اكەلىپ، يسلام ءدىنىن جاڭا زامان تالاپتارىنا ساي ەتىپ، مودەرنيزاتسيالاۋدى ۇسىنعان بولاتىن. الداعى ۋاقىتتا اراب قوعامىندا تىيىم سالىنعان كينوتەاتر مەن كونتسەرت سياقتى ويىن-ساۋىق باعدارلامالارى قالىپتى جاعدايعا اينالادى دەپ كۇتىلۋدە.

مۇحاممەد بين سالمان: ء"بىزدىڭ حالقىمىزدىڭ 70 پايىزى 30 جاسقا دەيىنگى جاس ازاماتتار. ولار يسلام ءدىنى تولەرانتتىلىقتىڭ بەلگىسى بولاتىن قوعامدا ءومىر سۇرگىلەرى كەلەدى", -دەپ حابارلادى.

دەگەنمەن ەل ىشىندەگى راديكاليستەر ايەلدەرگە بۇرىنعىدان ارتىق ەركىندىكتەر بەرىلۋىنە قارسى بولىپ وتىر. ولار رياد قالاسىنداعى سپورت الاڭىندا ساۋد ارابياسىنىڭ ۇلتتىق كۇنىن تويلاۋ شاراسىنا ايەلدەر ءبىرىنشى رەت قاتىسقان كەزدە نارازىلىق بىلدىرگەن بولاتىن. تەرىس پىكىر بىلدىرگەندەردىڭ باسىم بولىگى -  ۋاحابيزم سياقتى ايەلدىڭ قۇقىقتارىن قاتاڭ شەكتەيتىن اعىمداردىڭ وكىلدەرى.

“The Qazaq Times”