QR Wlttıq bank törağası Daniyar Aqışev. Foto: Informburo.kz

QR Wlttıq bank törağası Daniyar Aqışev 25 qazan küni Ortalıq kommunikaciya qızmetinde ötken baspasöz konferenciyasında kriptvalyutanıñ ne ekenin äli tüsine qoymağanın mälimdedi.

"Men kriptovalyutanıñ ne ekenin özim äli künge onşa tüsine qoyğan joqpın. Bwl ne ortaq qalıptı emitenti, ne birıñğay ortalıqtandırılğan organı joq qwral. Tipti eştemege tirkelmegen jäne onıñ qwnı spekulyativti operaciyalarğa negizdelgen. Sondıqtan adamdar investiciyalağısı keletin mwnday aktivterdiñ saqtaluın eşkim qamtamasız etkisi kelmeydi. Al eger bwl "köpirşik jarılıp ketse" investiciyalap otırğan adamdarğa ne boladı? Sodan keyin olar memleketke kelip "Nege bizge bwl turalı aldın ala eskertpediñizder?" deui mümkin ğoy", - dedi Aqışev.

Osılayşa bas bank basşısı qazaqstandıqtarğa mwnday operaciyalardıñ qauipti ekenin eskertti. Ol sonday-aq, Wlttıq bank tarapınan ükimetke kriptovalyuta jüyesimen aynalısıp jürgen kompaniyalarğa jäne kriptovalyutamen wlttıq valyuta arasında esep jürgizuge tıyım salu turalı wsınıs jasalğanın atap ötti.

“The Qazaq Times”