Foto: Naked-science

«Halıqaralıq ğalımdar tobınıñ payımdauınşa, äleumettik jağdayı tömen er adamdarğa qarağanda, näzik jandılarda jürek aurularınıñ payda bolu qaupi joğarı», – dep mälimdeydi Naked-Science. Zertteu jwmıstarı «The Journal of Epidemiology & Community Health» baspasöz betterine jariyalandı.

Belgili bolğanday, tömen äleumettik-ekonomikalıq jağday jürek-qan tamırları jüyesiniñ auruına äkep soğadı. Osı uaqıtqa deyingi zertteu jwmıstarınıñ nätijesi onday anomaliya äyelderde sirek kezdesetindigin körsetken.  Sol kezdegi statistika boyınşa, jürek auruları olarda (äyelderde) er adamdarmen salıstırğanda 5-10 jılğa keyin payda boladı. Alayda, bwl zertteu nätijesine ğalımdardıñ köñili tolmağan.

Osı olqılıqtıñ ornın toltıru üşin, Australiyadağı Dinkin universiteti men özge de zertteuşiler tobı, joğarıdağı mäselelerge qatıstı 116 ğılımi zertteu jwmıstarına metaanaliz jasağan. Avtorlar Europadağı, Soltüstik Amerika men Aziyadağı  jüregi auıratın 22 million adamdardı jäne bir millionnan astam jürek-qan tamırları auruların zerttegen. Keyinnen onı er adamdar men äyel adamdardağı patologiyanıñ payda boluına salıstırmalı analiz jwmıstarın jürgizdi.

Sonday-aq, ğalımdar respondentterdiñ bilim deñgeyi, aylıq tabısı men qızmetine de taldau jasağan. Nätijesinde, jalpı äleumettik-ekonomikalıq deñgeyi (aylıq tabısı) tömen adamda, barlıq jağdayı jaqsı qamtamasız etilgen  adamdarğa qarağanda, insul't pen infarkt alu qaupi öte joğarı ekendigi anıqtaldı. Onıñ işinde, jalaqısı tömen er adamdardan göri, jalaqısı tömen näzik jandılarğa osınday qauip tönip twr.

Degenmen, ğalımdardıñ aytuınşa, äli de genderlik specifikanı mwqiyat zertteu qajet. Soğan säykes küresu men emdeu joldarın anıqtaudı da közdep otır. Sebebi, älemde osı jürek aurularınan jıl sayın 8,6 million äyelder qaytıs boladı eken.

"The Qazaq Times"