Foto: Ak Jayık

Wlttıq Bank törağası Daniyar Aqışev Parlament Mäjilisi otırısında «2018-2020 jıldarğa arnalğan respublikalıq byudjet turalı» Zañ jobasın tanıstırğannan keyin jurnalisterdiñ swraqtarına jauap berdi. Ol bank sektorınıñ qarjılıq ornıqtılığın arttıru bağdarlamasın iske asıru barısı turalı habarladı.

D. Aqışevtıñ sözinşe, qırküyek jäne qazanda Wlttıq Bank Basqarması «ATF Bank» AQ-nıñ, «Euraziyalıq bank» AQ-nıñ, «Cesnabank» AQ-nıñ jäne «Bank CentrKredit» AQ-nıñ bağdarlamağa qatısuın maqwldağan. Bwl bağdarlamağa 410 milliard teñge jwmsaladı.

«Atalğan bankter jäne olardıñ iri akcionerleri qarjılıq ornıqtılıqtı arttıru, aktivterdiñ sapasın jaqsartu jäne jwmıs istemeytin kreditterdiñ deñgeyin tömendetu jönindegi is-şaralar josparların, sonday-aq bankti üsteme kapitaldandıru boyınşa jazbaşa mindettemeler wsındı», - dedi Aqışev.

Sonday-aq, ol bankterdiñ qarjılıq ornıqtılığın arttıru jönindegi is-şaralar josparları belgilengen tärtippen Wlttıq Bankpen kelisilgennen keyin Wlttıq Banktiñ enşiles wyımı – «Qazaqstannıñ ornıqtılıq qorı» AQ atalğan bankterdiñ rettelgen obligaciyaların satıp alatının ayttı.

Rettelgen obligaciyalar degenimiz - kompaniya bankrotqa wşırğan jağdayda nemese taratılğan kezde basqa qarızdarı men kreditteriniñ deñgeyinen tömen bolatın kompaniya qarızı. YAğni rettelgen obligaciyalarğa ie twlğalar kompaniya bankrot bolğan jağdayda ondağı aktivterden (akcionerlerin qospağanda) öz ülesin aladı.

Bwdan bölek Aqışev  basqa bankterdiñ bağdarlamağa qatısuğa
ötinimderi bankterdiñ qarjılıq model'derin keliskennen keyin jäne bankterdiñ basşılığı men akcionerleri Wlttıq Banktiñ talaptarın orındağannan soñ bas banktiñ qarauına şığarılatının habarladı.

“The Qazaq Times”