Jer klimatınıñ jılınuınan Soltüstik mwzdı mwhittağı mwzdar erip joğaluda. Foto: svs.gsfc.nasa.gov.

Franciya jäne Qıtay aqparattıq agenttikteriniñ habarlauınşa, Birikken Wlttar wyımınıñ 13 qazan küni mälimetinde, jıl sayın älemde kem degende 14 mln adamnıñ tabiği apat saldarınan baspanasız qalatının habarlağan. BWW körsetken statistikalıq mälimetterge qarağanda soñğı jıldarı Jer şarında tabiği apattar jiiley tüsken, äri bwl jıl ötken sayın artuı mümkin eken. Bwl turalı «People» basılımı öziniñ resmi saytında habarladı.

Habarlamada Birikken Wlttar Wyımınıñ bayandamasında jahandıq jılınudıñ tabiği apattardıñ wlğayuına ıqpal etetin negizgi faktor ekenin körsetilmegen. Alayda, jer silkinisteri, cunami, su tasqını jäne dauıl qatarlı apattardıñ älem halqına bastı qater bolıp twrğanın aytqan. BWW osı mälimettermen birge bwdan keyinde bwnday apattardıñ köbeye tüsetinin eskertti.

Biz ömir sürip otırğan Aziya qwrlığı qazirgi kezde tabiği apattardıñ eñ belsendi materigi sanaladı. Al, bwl qwrlıqta älem halıq sanınıñ 60 payızına juığı ömir süredi. Bir ğana Ündistannıñ özinde tabiği apattar saldarınan jılına 2,3 mln adam baspanasız qaluda. BWW mälimdemesindegi sanaqqa baspanamen qaytalay qamtamasız etilgen twrğındar qosılmaydı. Demek, jağday bwl şamadan da auır deuge boladı.

Älemdik qauımdastıq barlıq elderdi tabiği apattardan bolatın qauip-qaterdi azaytu üşin birlesip jwmıs isteuge şaqıradı.

“The Qazaq Times”