«Türkitildes jurnalister qorı» Qoğamdıq qorı jäne «Halıq banki» AQ demeuşiligimen jurnalisterge arnalğan «Erkin söz» şığarmaşılıq bayqauı ötedi.  Bayqau jurnalisterdiñ şığarmaşılıq äleuetin aşu jäne jurnalister qauımın ıntalandıru maqsatında wyımdastırıladı.

Bayqaudıñ mindetteri

a) Qazaq jurnalisteriniñ käsibi biliktiligin köteru;

ä) Jas jurnalisterdi ıntalandıru.

Sıylıqtardı tağayındau jäne diplomdar men bağalı sıylıqtardı tapsıru Täuelsizdik küni men Qarjıgerler künimen sabaqtastırıladı.

Bayqau komissiyası Bayqau jeñimpazdarın irikteu barısında mına şarttardı basşılıqqa aladı:

  • materialdardıñ ob'ektivtiligi;
  • käsibi şeberligi;
  • qoğamdağı tüytkilderdiñ ayqındaluı jäne jan-jaqtı aşıp körsetu;
  • materialdar tuğızğan qoğamdıq rezonans.

Bayqauğa qatısu şarttarı

Bayqauğa qatısuğa  barlıq BAQ jurnalisteri şaqırıladı.

  • Wsınılatın jwmıstardıñ taqırıbı

Bayqauğa qatısuğa qarjılıq (Qazaqstan Täuelsizdik alğalı beri 26 jılda qarjı salasında qol jetkizgen jetistikteri, qarjılıq sayasat, wlttıq valyuta, bank qızmeti ) taqırıptağı material qabıldanadı.

2017 jıldıñ 9 qazanınan 2017 jıldıñ 27 qaraşa aralığında jariyalanğan nemese efirge şıqqan materialdar, sonday-aq jariyalanımdar men bağdarlamalar ciklderi türli janrlarda (oçerk, swhbat, maqala, televiziyalıq jäne radio bağdarlamalar, jurnalistik zertteuler jäne basqaları) qabıldanadı.

  • Bayqauğa wsınılatın materialdarğa qoyılatın talaptar

Jariyalanımdar tüpnwsqa nemese materialdardıñ kseroköşirmesi türinde (basılımnıñ atauı, küni jäne avtormen baylanıs jasau mälimetteri tolıq körsetile otırıp) wsınıluı tiis.

Dıbıstıq-vizualdı jwmıstar efirlik anıqtamamen birge televiziyalıq bağdarlamanıñ köşirmesi türinde (cd/dvd diskilerinde, flash-tasımaldauşılarında) wsınıluı tiis.

Elektrondıq BAQ jurnalisteri jariyalanğan materialdardıñ köşirmesin internet-saytta ornalastırılğanın rastap joldauı qajet.

Materialdar Qazaqstan Respublikasınıñ Memlekettik  tilinde qabıldanadı. Bayqauğa materialdardı qabıldaudıñ soñğı küni – 27 qaraşa 2017 jıl, sağat 18:00.

Wsınılatın materialdarğa mınalar qosa beriledi: jurnalist turalı qısqaşa ömirbayandıq aqparat, jurnalistiñ 3h4 sm mölşerindegi fotosureti, aqparattıq materialdar tizimi.

Jeñimpazdardı jariyalau kelesi nominaciyalar boyınşa bayqaudı jalpı qorıtındılau ayasında iske asırıladı:

  1. Üzdik videosyujet (televidenie);
  2. Üzdik radiohabar (radio);
  3. Üzdik maqala (gazet);
  4. Üzdik şığarmaşılıq top;
  5. Sayttağı üzdik maqala;
  6. Üzdik fotoreportaj;
  7. Jeñimpazdardı marapattau.

Är nominaciya boyınşa jeñiske jetken jüldegerge 150 000 (jüz elu mıñ) teñge köleminde sıyaqı, diplom jäne statuetka tabıstaladı.

Wyımdastıruşı turalı baylanıs aqparatı

Bayqaudıñ wyımdastıru komiteti: «Türkitildes jurnalister qorı» QQ.

Meken-jayı: Almatı qalası, 050008, Jarokov köşesi, 39A.

Baylanıs telefonı: + 7 778 878 34 08; elektrondı poşta: erkinsoz2017@gmail.com

Tolıq aqparattı mına siltemeden aluğa boladı.

“The Qazaq Times”