«تۇركىتىلدەس جۋرناليستەر قورى» قوعامدىق قورى جانە «حالىق بانكى» اق دەمەۋشىلىگىمەن جۋرناليستەرگە ارنالعان «ەركىن ءسوز» شىعارماشىلىق بايقاۋى وتەدى.  بايقاۋ جۋرناليستەردىڭ شىعارماشىلىق الەۋەتىن اشۋ جانە جۋرناليستەر قاۋىمىن ىنتالاندىرۋ ماقساتىندا ۇيىمداستىرىلادى.

بايقاۋدىڭ مىندەتتەرى

ا) قازاق جۋرناليستەرىنىڭ كاسىبي بىلىكتىلىگىن كوتەرۋ;

ءا) جاس جۋرناليستەردى ىنتالاندىرۋ.

سىيلىقتاردى تاعايىنداۋ جانە ديپلومدار مەن باعالى سىيلىقتاردى تاپسىرۋ تاۋەلسىزدىك كۇنى مەن قارجىگەرلەر كۇنىمەن ساباقتاستىرىلادى.

بايقاۋ كوميسسياسى بايقاۋ جەڭىمپازدارىن ىرىكتەۋ بارىسىندا مىنا شارتتاردى باسشىلىققا الادى:

  • ماتەريالداردىڭ وبەكتيۆتىلىگى;
  • كاسىبي شەبەرلىگى;
  • قوعامداعى تۇيتكىلدەردىڭ ايقىندالۋى جانە جان-جاقتى اشىپ كورسەتۋ;
  • ماتەريالدار تۋعىزعان قوعامدىق رەزونانس.

بايقاۋعا قاتىسۋ شارتتارى

بايقاۋعا قاتىسۋعا  بارلىق باق جۋرناليستەرى شاقىرىلادى.

  • ۇسىنىلاتىن جۇمىستاردىڭ تاقىرىبى

بايقاۋعا قاتىسۋعا قارجىلىق (قازاقستان تاۋەلسىزدىك العالى بەرى 26 جىلدا قارجى سالاسىندا قول جەتكىزگەن جەتىستىكتەرى، قارجىلىق ساياسات، ۇلتتىق ۆاليۋتا، بانك قىزمەتى ) تاقىرىپتاعى ماتەريال قابىلدانادى.

2017 جىلدىڭ 9 قازانىنان 2017 جىلدىڭ 27 قاراشا ارالىعىندا جاريالانعان نەمەسە ەفيرگە شىققان ماتەريالدار، سونداي-اق جاريالانىمدار مەن باعدارلامالار تسيكلدەرى ءتۇرلى جانرلاردا (وچەرك، سۇحبات، ماقالا، تەلەۆيزيالىق جانە راديو باعدارلامالار، جۋرناليستىك زەرتتەۋلەر جانە باسقالارى) قابىلدانادى.

  • بايقاۋعا ۇسىنىلاتىن ماتەريالدارعا قويىلاتىن تالاپتار

جاريالانىمدار تۇپنۇسقا نەمەسە ماتەريالداردىڭ كسەروكوشىرمەسى تۇرىندە (باسىلىمنىڭ اتاۋى، كۇنى جانە اۆتورمەن بايلانىس جاساۋ مالىمەتتەرى تولىق كورسەتىلە وتىرىپ) ۇسىنىلۋى ءتيىس.

دىبىستىق-ۆيزۋالدى جۇمىستار ەفيرلىك انىقتامامەن بىرگە تەلەۆيزيالىق باعدارلامانىڭ كوشىرمەسى تۇرىندە (cd/dvd ديسكىلەرىندە، flash-تاسىمالداۋشىلارىندا) ۇسىنىلۋى ءتيىس.

ەلەكتروندىق باق جۋرناليستەرى جاريالانعان ماتەريالداردىڭ كوشىرمەسىن ينتەرنەت-سايتتا ورنالاستىرىلعانىن راستاپ جولداۋى قاجەت.

ماتەريالدار قازاقستان رەسپۋبليكاسىنىڭ مەملەكەتتىك  تىلىندە قابىلدانادى. بايقاۋعا ماتەريالداردى قابىلداۋدىڭ سوڭعى كۇنى – 27 قاراشا 2017 جىل، ساعات 18:00.

ۇسىنىلاتىن ماتەريالدارعا مىنالار قوسا بەرىلەدى: جۋرناليست تۋرالى قىسقاشا ومىرباياندىق اقپارات، ءجۋرناليستىڭ 3ح4 سم مولشەرىندەگى فوتوسۋرەتى، اقپاراتتىق ماتەريالدار ءتىزىمى.

جەڭىمپازداردى جاريالاۋ كەلەسى نوميناتسيالار بويىنشا بايقاۋدى جالپى قورىتىندىلاۋ اياسىندا ىسكە اسىرىلادى:

  1. ۇزدىك ۆيدەوسيۋجەت (تەلەۆيدەنيە);
  2. ۇزدىك راديوحابار (راديو);
  3. ۇزدىك ماقالا (گازەت);
  4. ۇزدىك شىعارماشىلىق توپ;
  5. سايتتاعى ۇزدىك ماقالا;
  6. ۇزدىك فوتورەپورتاج;
  7. جەڭىمپازداردى ماراپاتتاۋ.

ءار نوميناتسيا بويىنشا جەڭىسكە جەتكەن جۇلدەگەرگە 150 000 ء(جۇز ەلۋ مىڭ) تەڭگە كولەمىندە سىياقى، ديپلوم جانە ستاتۋەتكا تابىستالادى.

ۇيىمداستىرۋشى تۋرالى بايلانىس اقپاراتى

بايقاۋدىڭ ۇيىمداستىرۋ كوميتەتى: «تۇركىتىلدەس جۋرناليستەر قورى» قق.

مەكەن-جايى: الماتى قالاسى، 050008, جاروكوۆ كوشەسى، 39ا.

بايلانىس تەلەفونى: + 7 778 878 34 08; ەلەكتروندى پوشتا: erkinsoz2017@gmail.com

تولىق اقپاراتتى مىنا سىلتەمەدەن الۋعا بولادى.

“The Qazaq Times”