Foto: .pravda.ru

BWW Bangladeştiñ 800 mıñğa juıq Rohindja mwsılmandarına arnap, älemdegi eñ ülken bosqındar lagerin salu turalı josparı qauipti ekenin ayttı. Bükilälemdik wyım bwl ärtürli qauipti indetterdiñ tez taraluına qolaylı jağday tudıradı dep qauiptenedi. Bwl turalı APF aqparattıq agenttigi jazdı. 

M'yanmada 25 tamızda bastalğan qantögisterden bas sauğalap kelgen jartı millionnan artıq Rohindja mwsılmandarı Bangladeştegi bosqındar mäselesin uşıqtıra tüsken bolatın. BWW gumanitarlıq kömekti jolğa qoyıp, Bangladeşke qoldau körsetuge uäde bergen.

Koks Bazarğa jaqın mañdağı Kutupalong mekeninde qwrılısı josparlanğan bosqındar lageri 1,2 ga aumaqtı alıp jatır. Ol 300 mıñğa juıq bosqındarğa pana bolıp otırğan Ugandadağı Bidi Bidi jäne Keniyadağı Dadaab lager'lerin jolda qaldırıp, älemdegi eñ ülken bosqındar lageri boluı mümkin.

BWW-nıñ Dakadağı koordinatorı Robert Uotkins osınşama köp adamdı bir orınğa jinaudıñ jwqpalı aurulardıñ tez taraluına aytarlıq ıqpal etetinin aytadı. Ol: "Bir lager'ge qarağanda, osınday birneşe baspanalarğa bölu halıqtıñ densaulığı men ömir süru sapasın baqılauğa ülken septigin tigizedi", - degen pikir bildirdi. BWW ökiliniñ aytuınşa, qazirdiñ özinde 331 mıñ Rohindja mwsılmanı özderine baspana qwrıp ülgergen.

Osıdan bwrın Bangladeş Rohindja mwsılmandarın özge aralğa köşiru turalı bastama köterip edi. Degenmen rohindjalıq mwsılmandar adam ömirine ülken qauip töndiretin ciklondardıñ boluı sebebinen Başan Çar aralına köşuden bas tarttı.

Osı aptada Bangladeş künine 4000-5000 adam şekara asıp kelip jatqanın habarladı. Sarapşılar tağı 100 mıñ mwsılman Birmada Bangladeş jağalauına jol tartu kezegin kütip otır degen boljam jasaydı.

“The Qazaq Times”