Foto ğalamtor betterinen alındı.

Kanadada "zañdastırılğan suicid" qızmetin paydalanuşılar sanı artıp keledi. Bwl degenimiz qaterli isiktiñ asqınğan därejesi siyaqtı auır derti bar adamdar öz kelisimimen,  ömirin qiyu üşin därigerdiñ kömegine jüginu. Bwl turalı APF aqparattıq agenttigi jazdı. 

Kanada suicidtiñ mwnday türin 2016 jıldıñ mausım ayında zañdastırğan bolatın. Health Canada mälimetinşe, osı jıldıñ mausım ayına deyin, bir jıldıñ köleminde jazılmaytın derti bar 1 mıñ 882 adam atalğan qızmet türin paydalanıp, därigerlerdiñ qolınan köz jwmğan.

Öziniñ tartqan azabınıñ soñğı nüktesin qoyıp, jaqındarınıñ ömirin jeñildetudi qalaytındar resmi rwqsatın bergennen keyin, arnayı ekpe jasalıp, az uaqıttıñ işinde nauqas jan tapsıradı.

Kanadada beleñ alıp kele jatqan suicidtiñ rwqsat etiletin jağdayları turalı bölimge  anoreksiyağa şaldıqqandar men özge de auır sanalatın birqatar derttiñ azabın arqalağandardı qosudı swrap, bastama kötergender de joq emes. Kanadalıq episkoptar öz-özine qol jwmsağandardıñ jerleu räsimderin orındaudan bas tartıp otır.

“The Qazaq Times”