Körneki suret. Foto: Inbusiness.kz

Qostanay oblısında jemqorlıq küdigine ilingen Meñdiqara audanınıñ bilim böliminiñ jetekşisi Qalıbek Jüginisov darğa asılğan küyi tabıldı. Bwl turalı Tobolinfo saytı jazdı.

Sayttıñ jazuınşa, jemqorlıq isi boyınşa küdikke ilingen Jüginisov şamamen eki apta üyqamaqta bolğan. 2 mausımda äyeli Qostanayğa ketken kezde üyde jalğız qalğan. Keşke tuıstarı onı darğa asılğan küyi tapqan.

Aqparatqa qarağanda, şeneuniktiñ zeynetke şığuına üş jıl qalğan. Qalıbek Jüginisov 2015 jılı Qostanay oblısına köşip kelip, Meñdiqara audanı äkiminiñ orınbasarı qızmetin atqarğan. Üş jıl bwrın bilim basqarmasınıñ jetekşisi bolıp tağayındalğan.

Qostanay oblısınıñ policiya departamenti "Suicid jasauğa itermeleu" babı (105-bap) boyınşa sotqa deyingi tergeu amaldarın bastağan.

"The Qazaq Times"