Foto: Tengrinews

Qazaqstandıqtardıñ energetika käsiporındarı aldındağı qarızı 10 mlrd teñgeden asadı. Bwl turalı QR Energetika ministrligi atomdıq jäne energetikalıq qadağalau men baqılau komitetiniñ basşısı Swñğat Esimhanov mälimdedi.

"Halıq energetika käsiporındarına 10 mlrd teñgeden asa qarız. Qarızdıñ köp böligi, yağni 3 mlrd teñge Almatı qalasına tiesili. Oñtüstik Qazaqstan oblısı boyınşa da qarız 3 mlrd teñge şamasında. Qalğan oblıstarda qarız bir aylıq kölemde qalıp otır", - dedi Esimhanov Ortalıq kommunikaciyalar qızmetinde ötken brifingte.

Onıñ aytuınşa, qarız kölemi jılu beru mausımı bastalar kezde ünemi osınday deñgeyde boladı eken.

"Bizde jılu mausımı ayaqtalıp, qaytadan bastalğanğa deyin jazdıñ üş ayında qarızdardıñ deñgeyi ünemi joğarı bolıp qaladı. Öytkeni energiya twtınuşılar qıs bastalğan kezde ğana tölem jasaydı jäne qızmetti wsınğandarğa talap qoya bastaydı. Aldağı bir-eki ayda bwl körsetkiş aytarlıqtay tömendeydi dep oylaymın", - deydi Esimhanov.

Ayta keteyik, osı jıldıñ şilde ayında Almatı qalası twrğındarınıñ su men jılu üşin qarızı 660 mln teñgeden asatını turalı habarlanğan. Sonday-aq, kommunaldıq qızmet üşin qarızı barlarğa kredit berilmeui mümkin ekeni aytılğan edi.

“The Qazaq Times”