«Islam memleketi» lañkestik wyımı reseylik sarbazdardı twtqınğa aldı - dep habarlaydı korrespondent.net aqparat közi.

Terrorlıq wyım taratqan mälimetter boyınşa, reseylik sarbazdar Süriyanıñ Deyr-ez-Zor qalasında twtqınğa alınğan. «Islam memleketi» lañkestik wyımına tiesili Amaq aqparat agenttiginiñ jariyalağan videoroliginde, özderin 1979 jılı tuğan Zabolotnıy Roman Vasil'eviç jäne 1978 jılğı Surkanov Grigoriy Mihayloviç dep tanıstırğan eki adam beynelengen. Videoda körsetilgen adamdardıñ sözinşe, olar 22 qırküyek küni Deyr-ez-Zor qalasın «Islam memleketi» sodırlarınan azat etu kezinde twtqınğa tüsken.

Biraq Resey Qorğanıs ministrligi «Islam memleketi» taratqan bwl aqparattıñ şındıqqa janaspaytının aytqan. RF qorğanıs ministrligi baspasöz qızmetiniñ habarlauınşa, Süriya Arab Respublikasındağı reseylik sarbazdardıñ barlığı özine tapsırılğan mindetterin orındap jür. Eşqanday sarbaz «Islam memleketi» lañkestik wyımına twtqınğa tüspegen.

“The Qazaq Times”