Foto: journane.ma

AQŞ-tıñ ğarış zertteu käsipornı sanalatın SpaceX kompaniyası 2022 jılğa qaray 240 adamdıq zımırandı jasap şığaradı. Onımen jolauşılar alıs aralıqqa  saparlay aladı, dep jazdı Japoniyanıñ Nikkei saytı. 

Zımıran sağatına 27 mıñ şaqırımğa deyin wşadı. Mälimetterge sensek, wşqır kölik jer şarındağı kez kelgen qalağa jartı sağatta adamdardı jetkizip qoyadı eken. Bir qızığı, jüyrik kölikke adamdar keñistikti köru üşin de, şetelderge saparlau üşin de mine aladı. Bağası qazirşe belgisiz.

Jañalıqtı jasauşı kompaniyanıñ eñ joğarı lauazımdı atqaruşısı Ilon Masktıñ aytuınşa, bolaşaqta adamzattıñ qazir paydalanıp  otırğan önimderdiñ barlığı iri zımırandar öndirisine qaray damidı eken.

Mısalı N'yu York pen Şanhaydıñ arası 12 mıñ şaqırım.  Osı eki qalanıñ arasına qazirgi kezde adamdar wşaqqa otırıp 15 sağat wşadı. Al eger Space X zımıranımen jolğa şıqqan kisi 39 minutta bir elden ekinşi elge jete aladı eken.

Ädilet Ahmetwlı

“The Qazaq Times”