AQŞ sınaqtan ötkizgen gipersoniyalıq zımıran. Foto: DARPA

Amerika Qwrama Ştattarı dıbıs jıldamdığınan bes ese tez wşa alatın gipersoniyalıq qarudı sınaqtan sätti ötkizgenin habarladı jäne bwnı «tarihi jetistik» dep bağalağan.

Sınaq turalı Pentagon janındağı Qorğanıstıq Jetildirilgen Ğılımi jobalar Agenttigi (Defense Advanced Research Projects Agency/DARPA) düysenbigi küni habarladı. Mälimetke säykes atalğan agenttik ötken aptada AQŞ Äskeri-äue küşterimen birlese otırıp äuede wşırılatın gipersonikalıq qarudıñ (HAWC) wşu sınağın sätti ayaqtağan. Habarlamada aytıluınşa, Raytheon kompaniyası öndirgen  giperzondı kruizdik zımıranı äskeri wşaqtan atılğan jäne kömirsutekti qozğaltqış otınmen nebarı birneşe sekunt işinde eñ joğarı jıldamdıqqa jete alğan.

Eger bwl türdegi zımıran türi äue küşterine qoldanuğa berilse ol jau radarlarınıñ baqılauın jäne anti-zımıran jüyesiniñ tosqauılınan öte aladı. Bwnday jıldamdıqqa ie zımıran jarılğış oqtwmsıqtarı bolmağan künniñ özinde nısanalardı küyretuge qabıletti bolıp keledi.

Bwnday joğarı jıldamdıqqa ie äue qaruın sınauda barlıq test sınaqtarı joğarı nätije körsetkenin  DARPA men Pentagon maqtana habarlap otır. Wzaq jıldan beri AQŞ Qorğanıs ministrligi men qorğanıs önerkäsibi gipersonikalıq qarudı zertteu men äzirleu jobasın birlesip jürgizip kelgen. Qwrama Ştattardıñ ükimeti qorğanıs önerkäsibinde, jaña qaru-jaraqtı öndirude jeke kompaniyalarmen de ıntımaqtastıq jasap keledi.

The Qazaq Times