Foto: Getty Images

Ötken jeksenbide Las Vegasta bolğan qandı oqiğa Amerikadağı qaru qoldanısın qadağalaudı küşeytudiñ mañızdılığın tağı bir däleldedi. 58 adamnıñ ömirin qiğan azamattıñ jeke üyi men qonaq üydegi bölmesinen öte köp qaru-jaraq türleriniñ tabıluı, qarapayım azamattardıñ suıq qaruğa qol jetkizu mümkindikteri keñ ekenin tağı bir däleldedi. Osığan oray VVS aqparattıq agenttigi köpşilikke köñil aytıp, oqiğanı "asqan zwlımdıq" dep bağalağan Donal'd Tramptıñ qaru ielenudi retteu sayasatına qatıstı pikiriniñ jıldar boyı qalay özgerip kelgenine saraptama jasadı. 

1990-2000 jıldar aralığında Donal'd Tramp qaru ielenu isin qadağalauğa qarsı bolğanımen, vintovkalardıñ satılımına köñil bölu kerek dep pikir aytqan. 2012 jılı Konnektikutta 20 büldirşinniñ qazasına sebepker bolğan köpşilikke qarsı oq jaudıru oqiğasınan keyin, Barak Obamanıñ amerikalıqtarğa qaru satudı qatañ retteu turalı bastamasına qoldau bildirgen Donal'd Tramp 2015 jılı "qaru satılımın şekteu Konstituciyanıñ keybir punkterine qayşı keledi" degen respublikalıqtardıñ qatarına qosıldı.

2015 jıldıñ qazan ayında bolğan pikirsayıs kezinde ol mektep, şirkeu siyaqtı qoğamdıq orındardıñ "qarudan azat" (qaru wstauğa bolmaytın) boluı,  köp adamnıñ ömirine qauip töndiretin qılmıstardıñ sanın arttıradı degen oy tastadı. Donal'd Tramp "Bwl psihologiyalıq auıtquşılığı bar qılmıskerlerge taptırmas mümkindik"degen sın aytıp, "Parij ben San Bernardinodağı şabuıldar kezinde zardap şekken qatardağı adamdardıñ qolında qaru bolğanda, şığın sanı äldeqayda az bolar edi" degen boljam jasadı. YAğni, qazirgi Prezidenttiñ pikirinşe, azamattar öz jandarına qaru wstap jürip, ömirine qauip töne qalğan jağdayda onı qoldana alatın bolsa, köp qılmıstıñ mäselesi birden şeşiledi.

Hillari Klintonğa qarsı saylau kampaniyası kezinde öziniñ jeke qaru wstaytın 55 mln amerikalıq azamatqa qorğan bolatının jetkizgen Donal'd Tramp soñğı oqiğalardan keyin wlttıq qauipsizdikti nığaytu maqsatında, qaru ielenu isine jiti köñil böluge kelisip otır.  Sarapşılar Donal'd Tramp qayğıdan qan jwtıp otırğan halıqtı osılay sabırğa şaqıratının jetkizdi.

2016 jılı Orlandoda 49 adam qaza tapqan kezde, Barak Obama: "Kez kelgen adam qaruğa oñay qol jetkize alatın bolsa, onıñ saldarı osınday boladı", -dep, qaru mäselesin qatañ qarastırudı wsınğan bolatın.

“The Qazaq Times”