Foto: azernews.az

1 qazannan bastap Reseyde eksporttalatın mwnayğa salınatın baj salığı 3,8 dollarğa köterilip, 87,9 dollarğa deyin jetedi. Qırküyek ayındağı esep boyınşa mwnay eksportınıñ salığı tonnasına 84,1 dollar bolğan. 

Reseydiñ mwnay önerkäsibindegi salıq manevri ayasında qabıldanğan jaña esepteu formulası boyınşa şığıs Sibir, Kaspiy jäne Prirazlomnoe ken orındarında üşin şiki mwnayğa arnalğan jeñildetilgen baj salığı nöldik deñgeyde qaldı (nöldik deñgey 2015 jılğı 1 aqpanda küşine engen).

Twtqırlığı joğarı mwnayğa baj salığı 1 qazannan bastap 12,9 dollardan 13,6 dollarğa deyin qımbattaydı. Propilenniñ trimerleri men tetramerleriniñ tarifi 5,4 dollardan 5,7 dollarğa deyin östi.

Sonday-aq, 1 qazannan bastap aqşıl mwnay önimderi men maylarğa baj salığı tonnasına 26,3 dollar (qırküyekte 25,2 dollar), qara mwnay üşin tonnasına 87,9 dollar (qırküyek ayında 84,1 dollar) boladı.

Bwdan bölek, Resey eksporttalatın benzin önimderine de baj salığın tonnasına 26,3 dollarğa deyin köterdi (qırküyekte 25,2 dollar). Swyıtılğan gazğa salıq nöldik deñgeyde saqtaldı. Koks bağası 5,4 dollardan 5,7 dollarğa deyin qımbattadı.

Ayta keteyik, Reseydiñ mwnay narığındağı bwl özgeris Qazaqstandı aynalıp ötpesi anıq. Sebebi memleket Reseydiñ qara altın önimderin twraqtı twtınuşılardıñ biri.

“The Qazaq Times”