رەسەي ەكسپورتتالاتىن مۇنايعا باج سالىعىن كوتەردى

1 قازاننان باستاپ رەسەيدە ەكسپورتتالاتىن مۇنايعا سالىناتىن باج سالىعى 3,8 دوللارعا كوتەرىلىپ، 87,9 دوللارعا دەيىن جەتەدى. قىركۇيەك ايىنداعى ەسەپ بويىنشا مۇناي ەكسپورتىنىڭ سالىعى تونناسىنا 84,1 دوللار بولعان. 

رەسەيدىڭ مۇناي ونەركاسىبىندەگى سالىق مانەۆرى اياسىندا قابىلدانعان جاڭا ەسەپتەۋ فورمۋلاسى بويىنشا شىعىس ءسىبىر، كاسپي جانە پريرازلومنوە كەن ورىندارىندا ءۇشىن شيكى مۇنايعا ارنالعان جەڭىلدەتىلگەن باج سالىعى نولدىك دەڭگەيدە قالدى (نولدىك دەڭگەي 2015 جىلعى 1 اقپاندا كۇشىنە ەنگەن).

تۇتقىرلىعى جوعارى مۇنايعا باج سالىعى 1 قازاننان باستاپ 12,9 دوللاردان 13,6 دوللارعا دەيىن قىمباتتايدى. پروپيلەننىڭ تريمەرلەرى مەن تەترامەرلەرىنىڭ ءتاريفى 5,4 دوللاردان 5,7 دوللارعا دەيىن ءوستى.

سونداي-اق، 1 قازاننان باستاپ اقشىل مۇناي ونىمدەرى مەن مايلارعا باج سالىعى تونناسىنا 26,3 دوللار (قىركۇيەكتە 25,2 دوللار), قارا مۇناي ءۇشىن تونناسىنا 87,9 دوللار (قىركۇيەك ايىندا 84,1 دوللار) بولادى.

بۇدان بولەك، رەسەي ەكسپورتتالاتىن بەنزين ونىمدەرىنە دە باج سالىعىن تونناسىنا 26,3 دوللارعا دەيىن كوتەردى (قىركۇيەكتە 25,2 دوللار). سۇيىتىلعان گازعا سالىق نولدىك دەڭگەيدە ساقتالدى. كوكس باعاسى 5,4 دوللاردان 5,7 دوللارعا دەيىن قىمباتتادى.

ايتا كەتەيىك، رەسەيدىڭ مۇناي نارىعىنداعى بۇل وزگەرىس قازاقستاندى اينالىپ وتپەسى انىق. سەبەبى مەملەكەت رەسەيدىڭ قارا التىن ونىمدەرىن تۇراقتى تۇتىنۋشىلاردىڭ ءبىرى.

“The Qazaq Times”