Osı aptada älem jäne elimizde bolğan eleuli oqiğalar. Qoğamda qızu talqılanğan sayasi şielenister men şeşimder. Düniejüzi nazarın özine audartqan terrorlıq şabuıldar men äskeri is-äreketter. Bügin biz osı apta yağni qırküyektiñ 25-i men 30-ı künderi aralığında bolğan oqiğalarğa qısqaşa toqtalatın bolamız.

Osı apta qırküyektiñ 25-i küni älem jwrtşılığınıñ nazarın özine audartqan Irak Kürdistanınıñ täuelsizdik aluğa baylanıstı ötkizgen referendumımen bastaldı. Atalmış referendumğa Kürdistan halqınıñ 72 payızı qatıstı. Biraq Irak Kürdistanınıñ referendum ötkizuine Iran, Türkiya, AQŞ, Wlıbritaniya sındı memleketter özderiniñ qarsı ekendikterin bildirdi. Tipti Türkiya Irak Kürdistanımen aradağı şekarasın jauıp tastadı da, el prezidenti Rejep Tayıp Erdoğan: «Egerde Irak Kürdistanı täuelsizdigin jariyalaytın bolsa, onda kürd halqı aş qalatın boladı» - dep mälimedi. Tayau Şığıs osılay dürligip jatqanda Qazaqstanda Nwrswltan Nazarbaev Resey prezidenti Vladimir Putinmen Süriya mäselesine baylanıstı telefon arqılı söylesti. Eki el basşıları Süriya dağdarısına baylanıstı Astana kelisiminiñ mañızdılığı men aldağı uaqıtta osı mäsele boyınşa Qazaqstan tarapınıñ moderatorlıq qızmeti jayında söz qozğadı. Al Nwrswltan Nazarbaev pen Vladimir Putin barmay qalğan BWW-nıñ Bas Assambleyasında, däl osı aptada Türkiya prezidenti Rejep Tayıp Erdoğannıñ kürd halqına qarata aytqan sözinen kem tüspeytin söz söylendi. Ol jerde soñğı aylarda düniejüzin dür silkindirgen M'yanma eliniñ BWW-dağı twraqtı ökili Hau Do Suan: «M'yanmada rohindja mwsılmandarına eşqanday genocid jasalğan joq» - dep mälimdedi.

Al älemniñ ekinşi bir şetinde Japoniya parlamentiniñ merziminen bwrın taratıluına baylanıstı el prem'er-ministri Şinzo Abe: «El biligi bwnday şeşimge Soltüstik Koreya tarapınan tönegen qauipten keyin bardı» - dedi. Biraq oğan Japoniya oppoziciya ökilderi öz qarsılıqtarın bildirdi. Al Gruziya parlamenti bwl aptada el konstituciyasın özgertuge qarsı bolğan joq. El parlamentiniñ osı aptada qabıldağan jaña konstituciyası boyınşa, resmi Tblisi 2018 jıldan bastap pralamenttik basqaru jüyesine auısatın boladı. Älemniñ damığan memleketteriniñ biri sanalatın Japoniya men soñğı jıldarı basınan san türli soğıs pen revolyuciyanı ötkizgen Gruziya osılayşa basqaru jüyelerine tañdau jasasa, qırküyektiñ 27-i küni  Irak «üy işinen üy tigip» jatqan Kürdistanğa referendumnan keyin ul'timatum qoydı. Resmi Bağdad Kürdistan biligine öz ieligindegi äuejaylar men şekara beketterin Irakqa qaytarıp berudi talap etti. Olay etpegen jağdayda Kürdistandı sırt eldermen baylanıstıratın äue reysterinen ajıratatının ayttı. Biraq Kürdistan biligi resmi Bağdadtıñ bwl qoqan-loqısına pısqırıpta qarağan joq. Qırküyektiñ 28-i küni referendum qorıtındısın jariyaladı. Referendim nätijesi boyınşa, aymaq halqınıñ 92,7 payızı derbes el bolğısı keletinderin bildirip dauıs bergen. Bwl osı aptada "Qazaq Times" saytı jurnalisteriniñ nazarına ilikken jañalıqtardıñ bir böligi ğana. Egerde osı aptadağı Qazaqstan ekonomikasında bolğan mañızdı jañalıqtarğa şoludı  oqığıñız kelse siltemeni basıñız.

“The Qazaq Times”