Foto: ontustik.gov.kz

Qazaqstan Prem'er-ministri Baqıtjan Sağıntaev Oñtüstik Qazaqstan oblısına jwmıs saparı kezinde Şımkenttegi birqatar nısandardı araladı. Ol aldımen «Petro Qazaqstan Oyl Prodakts» JŞS-de bolıp, Şımkent mwnay öñdeu zauıtındağı jañğırtu jäne qayta qwrastıru  jobasınıñ iske asu barısımen tanıstı, dep habarlaydı oblıs äkimdiginiñ baspasöz qızmeti.

Nısandardı aralau kezinde Prem'er-ministr paydalanuğa berilgen şikizattı aldın ala gidrotazalau blogı bar jeñil benzin frakciyaların izomerleu qondırğısınnıñ jwmısın körip şıqtı.

Baspasöz qızmetiniñ  mälimetinşe, Şımkent mwnay öñdeu zauıtı biılğı jıldıñ mausımınan bastap Keden odağınıñ tehnikalıq reglamentiniñ talaptarı boyınşa K-4, K-5 ekologiyalıq klastağı joğarı oktandı benzin şığarudı qolğa alğan. Bwl mwndağı jañğırtu jwmıstarınıñ 1-şi kezeñdegi jwmısı.

Endi zauıttağı jañğıru jwmıstarınıñ 2-şi kezeñi 2018 jıldıñ qırküyeginde ayaqtaladı dep josparlanuda. Nätijesinde joğarı oktandı benzin öndiru kölemi jılına 652-den 2 270 mıñ tonnağa deyin, dizel' otını - 1 192-den 1 916 mıñ tonnağa deyin, aviaotın –  254-ten 400 mıñ tonnağa deyin ösedi. Zauıtta joğarı oktandı avtobenzinderdi öndiru ülesi 100% qwraydı eken.

Ayta keteyik, osı aptada "Eyr Astana" wlttıq kompaniyası Reseyden keletin aviaciyalıq kerosindi jetkizu toqtağandıqtan jäne Şımkent mwnay öñdeu zauıtı qayta jöndeu jwmıstarı üşin uaqıtşa jabılğandıqtan Qazaqstannıñ äue tasımalında kerosin tapşılığı boluı mümkin ekenin habarlağan.

“The Qazaq Times”