Foto: Şariy.net

Resey astanası Mäskeude oppoziciyalıq sayasatker Aleksey Naval'nıy wstaldı - dep habarlaydı Interfaks aqparat agenttigi Naval'nıydıñ Instagram paraqşasına silteme jasap.

Oppoziciyalıq sayasatker Aleksey Naval'nıydı mäskeulik policiya qızmetkerleri qırküyektiñ 29-ı küni Nijniy Novgorod qalasında ötetin şeruge bara jatqan jolda wstağan. Donilovsk audandıq İİB-nıñ baspasöz qızmeti taratqan mälimet boyınşa, qwqıq qorğau organdarınıñ qızmetkerleri Naval'nıydı "halıqtı zañsız şerulerge şaqırğanı üşin" wstağan.

Al Aleksey Naval'nıydıñ özi Instagram paraqşasına: «Şal Putin meniñ Nijniy Novgorodtağı şeruge qatısuımdı qalamaydı. Meni vokzalğa barayın dep üyimnen şıqqan bette wstadı. Barlığı kinodağıday boldı» - dep jazğan.

Esteriñizge salayıq, Aleksey Naval'nıy 2017 jıldıñ naurız ayında Resey prem'er-ministri Dmitriy Medvedevtiñ ieligindegi dünie-mülki jayında «Eto vam ne Dimon» attı beynerolik tüsirgen bolatın. Atalmış video Youtube jelisinde qızu talqılanıp, 24 millionan astam adam körgen. Osıdan keyin Medvedevtiñ Resey halqı arasındağı reytingi kürt tömendegen.

“The Qazaq Times”