رەسەي استاناسى ماسكەۋدە وپپوزيتسيالىق ساياساتكەر الەكسەي ناۆالنىي ۇستالدى - دەپ حابارلايدى ينتەرفاكس اقپارات اگەنتتىگى ناۆالنىيدىڭ Instagram پاراقشاسىنا سىلتەمە جاساپ.
وپپوزيتسيالىق ساياساتكەر الەكسەي ناۆالنىيدى ماسكەۋلىك پوليتسيا قىزمەتكەرلەرى قىركۇيەكتىڭ 29-ى كۇنى نيجني نوۆگورود قالاسىندا وتەتىن شەرۋگە بارا جاتقان جولدا ۇستاعان. دونيلوۆسك اۋداندىق ءىىب-نىڭ ءباسپاسوز قىزمەتى تاراتقان مالىمەت بويىنشا، قۇقىق قورعاۋ ورگاندارىنىڭ قىزمەتكەرلەرى ناۆالنىيدى "حالىقتى زاڭسىز شەرۋلەرگە شاقىرعانى ءۇشىن" ۇستاعان.
ال الەكسەي ناۆالنىيدىڭ ءوزى Instagram پاراقشاسىنا: «شال پۋتين مەنىڭ نيجني نوۆگورودتاعى شەرۋگە قاتىسۋىمدى قالامايدى. مەنى ۆوكزالعا بارايىن دەپ ۇيىمنەن شىققان بەتتە ۇستادى. بارلىعى كينوداعىداي بولدى» - دەپ جازعان.
ەستەرىڭىزگە سالايىق، الەكسەي ناۆالنىي 2017 جىلدىڭ ناۋرىز ايىندا رەسەي پرەمەر-ءمينيسترى دميتري مەدۆەدەۆتىڭ يەلىگىندەگى دۇنيە-مۇلكى جايىندا «ەتو ۆام نە ديمون» اتتى بەينەروليك تۇسىرگەن بولاتىن. اتالمىش ۆيدەو Youtube جەلىسىندە قىزۋ تالقىلانىپ، 24 ميلليونان استام ادام كورگەن. وسىدان كەيىن مەدۆەدەۆتىڭ رەسەي حالقى اراسىنداعى رەيتينگى كۇرت تومەندەگەن.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
ORDA حابارى، اقوردا رەاكتسياسى جانە سادىقوۆ ءىسى: نە بولىپ جاتىر، نەنى بايقادىق؟
سوزبۇيداعا سالىنعان جەتى تومدىق: قازاقتىڭ اكادەميالىق تاريحى قاشان جارىق كورەدى؟