Foto: akorda.kz

Biılğı jıldıñ 17 qañtarında QR Prem'er-Ministriniñ birinşi orınbasarı Asqar Mamin BAÄ Vice-prem'eri men BAÄ Prezidenti isteri jönindegi ministri şeyh Mansur ben Zaid Al' Nahayanmen kelissözder jürgizdi. Bwl turalı Ükimettiñ resmi saytı habarladı.

Kelissözder barısında QR Prezidenti Nwrswltan Nazarbaevtıñ BAÄ-ge 15-16 qañtardağı resmi saparı barısında qol jetkizilgen, joğarğı deñgeydegi uağdalastıqtarın is jüzine asıru joldarı qarastırıldı.

Taraptar energetika, mwnayhimiya, atom önerkäsibi, kölik jäne logistika, äskeri-tehnikalıq salalardağı ortaq jobalardı damıtuğa dayın ekenderin rastadı.

«Bäyterek» holdingi men «Mubadala Development Company PJSC» Qazaqstan aumağı men özge körşi elderdiñ basım narıqtarındağı infraqwrılımdıq jäne özge de jobalardı birlesip qarjılandıru üşin jaqın arada özara investiciyalıq platforma qwruğa kelisti.

QR men BAÄ-niñ energetika ministrlikteri QR-da mwnaygazhimiya keşeni qwrılısınıñ jobasına taraptardıñ qatısu mümkindigin talqıladı.

«Qazaqstan temir jolı» wlttıq kompaniyası men «Etihad Rail» wlttıq temirjol kompaniyası BAÄ men üşinşi elderde birlesken infraqwrılımdıq jobalardı jüzege asıru mäselelerin talqıladı.

BAÄ atom energiyası jönindegi korporaciyası «Qazatomönerkäsip» WAK»-men yadrolıq energiyanı beybit türde paydalanu salasında ekijaqtı qarım-qatınastı damıtuğa niet bildirdi.

Ämirlik tarabı Qazaqstan Respublikası Qarulı Küşteri äskeri oqu-jattığu ortalıqtarınıñ infraqwrılım nısandarın investiciyalau mäselesin qarastıruğa müddelilik tanıttı.

Ämirlik tarapınan kelissözderge energetika ministri Suheyl Muhammed al'-Mazrui, Abu-Dabi Atqaruşı keñesiniñ müşesi, «Mubadala Development» kompaniyasınıñ Bas atqaruşı direktorı, BAÄ atom energiyası jönindegi korporaciyasınıñ basqarma basşısı Haldun Halifa al'-Mubarak, Abu-Dabi qalasınıñ meri, «Etihad Rail» wlttıq temirjol kompaniyası Direktorlar keñesiniñ törağası, injener Aud Murşid al'-Murur, qauipsizdik pen qorğanıs mäseleleri jönindegi sırtqı ister ministriniñ orınbasarı Faris al'-Mazrui jäne QR-dağı BAÄ elşisi Muhammed al'-Djaber qatıstı.

Kezdesuge qazaqstandıq taraptan Energetika ministri Q. Bozımbaev, Qorğanıs jäne aeroğarış önerkäsibi ministri B. Atamqwlov, «Qazaqstan temir jolı» WK» AQ basqarma törağası Q. Alpısbaev, «Bäyterek» WBH» AQ basqarma törağası E. Dosaev, «Qazatomönerkäsip» WAK» AQ basqarma törağası A. Jwmağaliev jäne BAÄ-degi Qazaqstan elşisi Q. Lama Şarif qatıstı.

"The Qazaq Times"