Foto: Kn.kz

2017 jıldıñ qañtar-mausım ayında Qazaqstanğa turistik maqsatta 3,6 mln adam kelgen. Osılayşa sayahattauşılardıñ kelu körsetkişi aldıñğı eki jılmen salıstırğanda eñ joğarğı körsetkişke ie bolıp otır. Mısalı bir jıl bwrınğı körsetkişke qarağanda biıl kelgen turister sanı 20,5%-ğa ösken nemese 605,9 mıñ adamğa artıq. Mwnday mälimetterdi finprom.kz agenttigi keltirip otır.

Eske salayıq, mwnday joğarğı körsetkiş 2013 jıldıñ qañtar-mausım ayında tirkelip, turisterdiñ sanı 22,2%-ğa ösken edi. Al 2015-2016 jıldarı bastapqıda 7%-ğa, keyin 1,2%-ğa tömendep ketken.

Elge keletin turister sanınıñ artuı qonaqüy-meyramhana sektorına oñ äser etti. Altı aydıñ işinde Qazaqstandağı hostelder, qonaqüyler, sanatoriy, kurorttarğa 416,2 mıñ şeteldik turist kelgen. Bwl ötken jıldıñ säykes kezeñimen salıstırğanda 28,7%-ğa artıq.

Sonday-aq, Qazaqstanğa jeke maqsattarmen  (+35,9%) jäne iskerlik maqsatpen kelgenderdiñ de (+27,5%) sanı ösken. Eskeretin jayt, şeteldik qonaqtardıñ köbi biznes turizm üşin kelgen, al 2015-2016 jıldarı turisterdiñ öz erkimen  elge kelui aytarlıqtay qısqarğan.

Sonımen şeteldik turister arqılı Qazaqstandağı 17 kurorttı zonanıñ 12-si tanımaldıqqa ie boldı. Mısalı turisterdiñ qızığuşılığın arttırğan eñ tanımal orın Qarqaralı kurortı. Alğaşqı altı ayda mwnda keluşiler sanı 7,7 mıñ adamğa artıp, 16,6 mıñğa jetti.

Sonday-aq, Zerendide demaluşılar sanı 5,5 mıñğa köbeyip, 14,5 mıñ adamğa jetse, Almatı mañındağı demalıs orındarına keluşilerdiñ sanı 5,3 mıñğa ösip, 55 mıñ adamğa deyin köbeydi.

“The Qazaq Times”