Foto: 1news.az

BWW Bangladeştiñ Rohindja mwsılmandarına pana bolıp otırğan bosqındar lagerine şwğıl gumanitarlıq kömek qajet ekenin habarladı. M'yanmadağı qantögisten bas sauğalap kelgen 436 mıñ mwsılman öte auır jağdayda qalıp otır. Bwl turalı APF aqparattıq agenttigi jazdı. 

BWW-nıñ bosqındarğa jauaptı qızmetkeri Fillippo Grandi mwsılmandarğa tamaq, alğaşqı medicinalıq kömek, taza auız su, baspana, kiim sındı barlıq qajettilikterin qamtamasız etetin zattar kerek ekenin aytadı. "Jergilikti halıq tarapınan öte ülken kömek boldı, endigi kezekte halıqaralıq qoldau şarasın wyımdastıru kerek", -dedi ol.

Birneşe künnen beri Bangladeşke kelgen bosqındardıñ biometrikalıq derekterin qağazğa tüsirip, olardı tirkeu jwmıstarı jürip jatır. Fillippo Grandi qazir M'yanmadan ağılğan bosqındardıñ sanı azayğanın, biraq aldağı uaqıtta tağı qanşa adam lager'degilerdiñ qatarına qosılatının boljau qiın ekenin aytadı. Ol sonday-aq, şekarada rohindjalıq mwsılmandardı tirkep, olarğa "bosqın" statusın beru qızmetin oñtaylı wyımdastıru kerektigin alğa tarttı.

Rohindja mwsılmandarı öz otandarına oralğısı keletinin jasırmaydı. Bangladeştiñ qauipsizdik qızmeti de bosqındardıñ Birmağa qaytqanın qalaytındıqtarın aytadı. Bangladeştiñ jağalauında bosqındardan bölek, 700 mıñğa juıq rohindjalıq mwsılman mekendeydi. Olardıñ köbiniñ qwjatı bolmağandıqtan, bwl elde "zañsız migranttar" sanaladı.

M'yanma biliginiñ ökili Aus San Su Çji ötken aptada Birmadan qonıs audarğan mwsılmandarğa oraluğa rwqsat beriletinin aytqan bolatın. Küni keşe UNISEF Europadan joldanğan su tazartatın däri, sanitarlıq zattar men özge de qajettilikterden twratın 100 tonnalıq kömek Bangladeşke jetkizilgenin habarladı.

“The Qazaq Times”