Foto: dailymanagementreview.com

Ispaniya ortalıq biliginiñ  osı jıldıñ 1 qazanına josparlanğan Kataloniyanıñ  täuelsizdigi turalı referendumın toqtatuğa jasağan äreketteri katalondıqtardıñ qala köşelerine köteriliske şığuına sebep boldı.  Bwl turalı APF aqparattıq agenttigi jazdı.

Jwma küni 2  mıñğa juıq azamat Barselonadağı Joğarğı Sot ğimaratınıñ aldına jinalıp, referendum ötkizuge tosqauıl bolu turalı ortalıq biliktiñ tapsırmasın orındamağan Kataloniyanıñ altı şeneunigin bosatudı talap etti. Sot köpşiliktiñ ötinişin orındap, olardı bosatqanımen, şeneunikter eldegi jağday twraqtalğanşa, apta sayın Sotqa kelip twruğa mindetteldi.

Ispaniya biligi referendumdı boldırmau maqsatında 14 şeneunikti twtqındap, 10 mln dauıs beru qağazınıñ közin joydı. Bwl 1 qazanğa josparlanğan referendumğa kedergi bolğanımen, Täuelsizdikke wmtılğan 7,5 mln katalondıqtıñ küreske degen kwştarlığın qızdıra tüsti.

“The Qazaq Times”