Foto: vechastana.kz

Astana policiyaları qala aumağında 18 qırküyekten 20 qırküyek aralığında köşi-qon zañnamasınıñ bwzuşılıqtarın anıqtauğa bağıttalğan «Migrant» jedel-aldın alu is-şarasın ötkizdi, dep habarlaydı Astana äkimdiginiñ baspasöz qızmeti.

Şetel azamattarınıñ zañsız ornalasqan ıqtimal orındarı, qwrılıs nısandarı, azamattardıñ jappay jinalu orındarı, äsirese bazarlar, vokzal mañı aumağı, önerkäsip aymaqtarı tekserilgen.

Astananıñ İİD köşi-qon policiyası basqarmasınıñ bastığı Erketay Tutkuşevtıñ derekteri boyınşa ötkizilgen jwmıstar nätijesinde  köşi-qon zañnamasınıñ bwzuşılıqtarınıñ 449 faktisi anıqtaldı, onıñ işinde  QR Äkimşilik qwqıq bwzuşılıq turalı zañnıñ (ÄQBZ) 517-babı boyınşa 395 şetel azamatı, 518-babı boyınşa  Qazaqstan Respublikasınıñ 28 azamatı, 519-babı boyınşa  13 jwmıs beruşi  tartıldı, 492-babı boyınşa 34 azamatı jauapqa tartıldı.

Astana qalasınıñ mamandandırılğan audanaralıq äkimşilik sotımen elden 52 adam, onıñ işinde azamattıq sot öndirisiniñ tärtibinde 1 adam  şığarıldı.

249 şetel azamatınıñ uaqıtşa kelu merzimderi qısqartıldı. Qalanıñ qabıldauşı-böluşilerge TMD 90 azamatı jetkizildi. İzdeude tabılatın 1 qılmısker wstaldı.

"QR Qılmıstıq kodeksiniñ 393-babı boyınşa sotqa deyingi tergeudiñ birıñğay tizimine şığarıp jiberu turalı şeşimderdi orındamağanı üşin 13 qılmıstıq qwqıq bwzuşılıqtar tirkeldi. İİB esebine 369 adam qoyıldı. JAİ barısında barlığı 1,8 mln teñgeden artıq somağa ayıppwl salındı, olardıñ işinde şamamen 1,3 mln teñgesi öndirilip alındı", - dep mälimdedi Erketay Tutkuşev.

Ayta keteyik, 2 qırküyek küni Astanada Ündistan jäne qazaq azamattarı arasında bwzaqı äreket  bolğan edi. Bwzaqı äreketke barğan ündister elimizde "Abu Dabi Plaza" qwrılısında jwmıs isteytin migranttar.

“The Qazaq Times”