Afrika halıq sanı tez ösude. Foto: International Business Times.

Franciyanıñ Wlttıq halıq institutı (INED) jaqında zertteu nätijelerin jariyalap, qazir älemde halıq sanı eñ tez ösip kele jatqan alıp qwrlıq Afrika ekenin, 2050 jılğa barğanda eldiñ halıq sanı eki esege deyin köbeyetinin habarladı. Bwl jöninde Franciya aqparat agenttikteriniñ bügingi habarında aytılğan.

INED-niñ bergen mälimetine qarağanda, Afrikanıñ halıq sanı qazir 1,2 mlrd şamasında bolsa, 2050 jılğa qaray 2,5 mlrd adamğa deyin köbeyedi eken. Al, 2100 jılğa deyin qara qwrlıqta 4,4 mlrd adam ömir süretin boladı delingen. Al, atalğan eldiñ zertteu institutı "2050 jılğa barğanda älemdegi halıq sanı 10 milliardqa jetip, XXI ğasırdıñ soñına jetkende 11 mlrd adamnan asadı" degen boljam aytadı.

Afrika men Europa halıq sanınıñ ösu salıstırması. Foto: Human Stupidity.

INED-tiñ zertteu nätijesi boyınşa älemdegi halıq sanınıñ ösimi birte-birte tömendeydi. Bwl" äyelderdiñ barğan sayın tuu körsetkişiniñ tömendeuinen boladı" degen qortındı jasalğan. 1950 jılı älemdegi tuılğan balalar sanın ortaşa esebi boyınşa, bir äyel 5 bala tuuğa qabiletti dep eseptelgen. Qazir bwl körsetkiş 2,5 balağa tüsti. Biraq är eldegi äyelderdiñ de tuu körsetkişi aluan türli. Mısalı, ortaşa damığan Oñtüstik Koreyada äyelderdiñ tuu körsetkişi 1,2 balağa ortaqtassa, soğıs örti qaptağan Süriyada birden 7,3 balanı körsetedi. Al Afrikanıñ barlıq öñirlerindegi bala tuu körsetkişi 3 baladan joğarı. Osığan qarağanda Afrika aldağı uaqıtta halıq sanı eñ tez ösetin qwrlıq boladı delingen.

Afrika halqınıñ sanınıñ ösui bwl öñirdegi ölim-jitim körsetkişiniñ azayuımen de baylanıstı deuge boladı. Halıqaralıq qauımdastıq pen älem elderinen jıl sayın beriletin kömekter jäne Afrika elderiniñ äleuetiniñ birtindep jaqsaruı, äsirese balalardıñ mezgilsiz ölu körsetkişin 15 jıl işinde kürt tömendetken. Bwl da Afrika halqınıñ köbeyuine qarqın berdi.

“The Qazaq Times”