BWW Qauipsizdik keñesinde M'yanmadağı rohindja mwsılmandarınıñ isi talqığa salındı. Bwl talqı Qauipsizdik keñesiniñ jabıq otırısında talqılandı. Halıqaralıq qauımdastıq kezekti M'yanma mäselesin talqı jiınında  9 jıldan keyin köterip otır.  Bwl turalı «Türik tele-radio» qızmetiniñ resmi saytı jazdı.

M'yanmadağı rohindja mwsılmandarına qarsı äskeri küş qoldanu isi jönindegi Qauipsizdik keñesiniñ kezekti otırısın Efiopiyanıñ twraqtı ökili Tekeda Alemu basqarıp aştı. Jinalısta M'yanma qarulı küşteriniñ mwsılmandarğa bağıttalğan küş qoldanu äreketi ayıptaldı. Äri keñes müşeleri bir auızdan äskeri küş qoldanudı birden toqtatudı talap etti. Sonımen birge älem elderinen rohindja mwsılmandarına beriletin gumanitarlıq kömekti qabıldauı kerek degen şeşim şığardı.

BWW Bas hatşısı Antoniu Guterreş pen Wlıbritaniya ökili de aşıq pikir bildirip, äskerlerdiñ qarusız bwqarağa jasağan qırğınşılığın ayıptadı. Äri, M'yanma ükimetine öñirdegi jağdaydı tez arada retke saluın talap etti.

“The Qazaq Times”