Foto: Tengrinews

Almatı qalasındağı iri janarmay beketterinde benzin men dizel' otınınıñ bağası qımbattadı, dep habarlaydı Sputnik Qazaqstan.

Mısalı «QazMwnayGaz» janar-jağarmay beketinde AI-92 markalı benzinniñ litri tamız ayınan beri 3 teñgege qımbattap, 144 teñgege jetken. AI-95 markalı janarmay qwnı da 3 teñgege qımbattap 158 teñge bolğan. Al dizel' otınınıñ bağası tamız ayınıñ basınan beri 4 teñgege qımbattap, 144 teñgeni qwrağan.

Royal Petrol janarmay beketterindegi bağa mınaday: AI-92 markasınıñ litri - 145 teñge  (tamız ayında 143 teñge bolğan), dizel' otınınıñ litri - 145 teñge (1 teñgege qımbattağan), AI-95 markası — 159 teñge.

Sinooil-da AI-92 2 teñgege qımbattap, 145 teñgege jetti. Al dizel' otını men AI-95 markalı benzinniñ bağası 1 teñgege qımbattap, säykesinşe, 144 jäne 159 teñgeni qwradı.

Helios janarmay qwyu beketterinde AI-92 - 145 teñgeden, dizel' otını - 146 teñgeden, AI-95 — 159 teñgeden satılıp jatır.

Eñ joğarğı bağa «Gazpromneft' — Qazaqstan» janarmay qwyu beketterinde belgilengen. Mwnda AI-92 bağası 147 teñge (2 teñgege qımbattağan). Dizel' otınınıñ bağası 147 teñge, AI-95 markalı benzinniñ litri — 168 teñge.

Ayta keteyik, osı jıldıñ birinşi jartı jıldığında Qazaqstandağı mwnaydı qayta öñdeuşi zauıttar 7,4 mln tonna mwnay öñdegen. Bwl 2016 jıldıñ säykes kezeñimen salıstırğanda 5,4%-ğa artıq. Pavlodar mwnay-himiya zauıtı mwnaydı 13,1%-ğa artıq öñdegen (2648,7 tonna). Al Şımkent MÖZ-i kerisinşe, öñdeu jwmısın 19,8%-ğa azaytqan (1 895,5 mıñ tonna). Atırau mwnay öñdeu zauıtıniki 19,6%-ğa artıq (2 508,3 mıñ tonna).

Qazaqstan mwnayğa bay elderdiñ qatarına bolğanmen, işki narıqtağı şikizat önimderiniñ swranısın äli qanağattandıra almay keledi. Äli künge reseylik benzin men jağarmayğa täueldi bolıp otırmız. Osı uaqıtqa deyin sırtqı narıqqa täueldi bolmaudıñ qandayda bir strategiyalıq josparı jasalğan künniñ özinde, onı jüzege asıra almay kelemiz.

“The Qazaq Times”