Resey ükimeti eldegi kün sayın ösip bara jatqan janarmay bağasına tosqauıl qoyu üşin byudjetten qosımşa qarjı bölmek. Elde benzin men dizeldiñ qwnı jıl basınan beri twraqtı türde joğarılağan. Bwnıñ soñı janarmay dağdarısına alıp kelui mümkni dep qauiptengen Kreml' şwğıl şara köruge kiristi.

Reseyde bıltır jazda da osınday jağday bolğan. Onı sol kezde Energetika ministrligi karantinnen keyingi kölik qatınasınıñ köbeyuinen boldı dep tüsindirgen, jıl soñında qayta qaytalanğanda tapşılıqtan boldı dep körsetken. Biraq, biıl jıl basında jağday kürt özgerip,  mwnay öndiruşiler byudjetke qarajat saldı. Reseylik keybir basılımdar pandemiya sekildi köptegen sebepter Reseydiñ mwnay öndirisi salasında jwmıs istep kelgen «dästürli mehanizmine» soqqı wrğanın jazıp jatır.

Bwl Resey ükimetin osı salada jaña formula jasaqtauğa mäjbür etti. Energetika ministrligi jaña formula qazirgi jahandıq ekonomikalıq jağday men mwnay narığındağı özgeristerge barınşa beyimdelgiş dep tüsindirgen boldı. Bwl formula mamır ayınan bastap jwmısın istey bastaydı.

Reseydegi janarmay bağasınıñ qımbattauı onıñ mwnay önimderine täueldi elderge de auır tiip jatır. Bwlardıñ arasında Ortalıq Aziyadan Qırğızstan, Täjikstan sekildi elder de bar. Baylanıstıra aytqanda, Reseydegi janarmay bağasınıñ qımbattauı atalğan elderdegi zat bağasınıñ qımbattauına alıp kelude. Bwl Reseyge bolaşaqta diplomatiyalıq qiınşılıqtar da alıp kelui mümkin.

“The Qazaq Times”