Biıl Alaş partiyasınıñ qwrılğanına 100 jıl. Qazaq dep ıstıq qanı men mañday terin, aqıl-parasatın arnap ötken Alaş arıstarınıñ toyı EKSPO qarbalasımen köleñkede qalıp qoyğanı bärimizdi qınjıltatın jağday edi. Alayda osığan oray aytulı şara 9 qırküyek küni OQO Otırar  audanında dabıralı türde toylanıp ötti.

Wyımdastruşılar keş qonaqtarın alqadı Foto: QT

Alaş partiyasınıñ 100 jıldığı ayasında, Otırar audanı äkimdigi men L.N.Gumilev atındağı Euraziya wlttıq universiteti «Alaş» ğılımi zertteu institutı wyımdastırıp otırğan respublikalıq ğılımi-täjirbielik konferenciya «Alaş avtonomiyası – wlttıq täuelsizdiktiñ negizi» degen atpen atalıp Otırarda  şımıldığın aştı.

Twrsın Jwrtbay bayandama jasadı Foto: QT

Aytulı şara eldegi käsipker azamat «Otyrar Group» JŞS direktorı Äbdimäjit Sızdıqbekovtıñ qarjılay qoldau körsetuimen ötip jatqanı bärimizdi quanttı. Qwrmetti qonaqtardı audan äkimi Erlan Aytahanov bastağan otırırlıqtar kütip aldı.

Şaranı wyımdastruşı Äbdimäjit Sızdıqbekov Foto: QT

Alaş ruhın ardaqtağan toydıñ bası qırküyektiñ toğızı küni tañerteñ baptardıñ Babı Arıstan babtıñ basına jinalıp, qara qoy soyıp, qwran oqıp ziarat etuden bastaldı. Tüste audandıq mädeniet sarayına jinalğan qonaqtar Alaş ideyasın qayta tiriltu maqsatında ötetin ğılımi täjirbielik konferenciyağa qatınastı.

Qonaqtar Arıstan bab kesenesiniñ aldında Foto: QT

«Alaş avtonomiyası – wlttıq täuelsizdiktiñ negizi» attı konferenciya QR WĞA akademigi, L.N.Gumilev atındağı EWU prorektorı, professor Dihan Qamızabekwlınıñ qwttıqtau sözimen bastaldı.

Dihan Hamızabekwlı qwttıqqtau sözin söyledi Foto: QT

Konferenciya barısında Twrsın Jwrtbay,  Sämiddin Balaban, Narbekova Balmarjan, Şerubay Qwrmanbaywlı, Äbduaqap Qara,  Qayırbek Säduaqasov, Qayırbek Kemeñger,  sındı belgili alaştanuşılar bayandama jasadı.

Äbduaqap Qara şaranı wyımdastruşılarğa silığın tabıstauda Foto: QT

Bwl künde wrpaq sanasınan üzilip qalğan keşegi  Alaş ruhın qayta tiriltu maqsatında el bolıp ne isteu kerektigimiz turalı jan-jaqtı talqılandı.

Narbekova Balmarjan bayandama jasauda Foto: QT

Osı bir keleli isti atqaru barısında ziyalı qauım ökilderi men BAQ ökilderiniñ, wstazdardıñ, ata-analardıñ atqarar mindeti atap körsetildi.

Jazuşı Jädi Şäkenwlı "Er Jänibek" qorınıñ atınan, şaranı wyımdastıruşı Äbdimäjit Sızdıqbekovqa şapan jauıp, silıqtar wsınuda. Foto: QT

Alaştıqtar jayında kitaptar şığaru, kino tüsiru turasında tiisti orındarğa tapsırmalar berildi. Alaş kösemi Älihan Bökeyhanovtıñ atına respublika köleminde joğarı oqu orınınıñ atın beru siyaqtı keleli ister qarastırıldı.

gala-koncertten bir körinis Foto: QT

Konferenciyadan keyin audan ortalığındağı «Jwldız» meyramhanasında Alaş ruhına bağıştap as berildi. Keşki şaralar barısında Ş.Qaldayaqov auılında ornalasqan «Alaş» alleyasında obılıstıq öner jwldızdırınıñ qatımsuımen sahnalıq qoyılım men gala-koncert ötti.

Keşki Otırar dalası Foto: QT

Osılayşa, Otırar topırağında Altı Alaşqa jar salğan «Alaş» toyı Prezidenttiñ  «Ruhani jañğıru» bağdarlaması ayasında, babalar amanatın keleşek wrpaq sanasına siñiru negizinde jalğasın taptı.  Biılğı jılı el bolıp jappay toylauğa tiisti Alaş avtonomiyasınıñ 100 jıldıq toyınıñ azda bolsa el köñilindegi  olqılığın toltırdı. Toy soñında jinalğan jwrt «Balam degen jwrt bolmasa – jwrtım deytin bala qaydan şıqsın!» - dep Ahmet Baytwrsınwlı aytqanday jwrtım deytin erlerimiz aman bolsın, el eñsesi biik bolsın dep tilep, tarqastı.

“The Qazaq Times”