Foto: barselonasecret.com

Ispaniyanıñ Prem'er-ministri Mariana Rahoy osı jıldıñ 1 qazanına belgilengen Kataloniyanıñ täuelsizdigine arnalğan referendumdı toqtatuğa uäde berdi. Ol katalondıqtardıñ jeke memleket bolu turalı tilegin "ortalıq bilikke bağınbauşılıq" dep taptı. 

Kataloniya basşıları: "Ortalıq biliktiñ ötinişimen Joğarğı Sot referendum ötkizuge tıyım salıp, onı toqtatuğa äreket etse de, täuelsizdik jolındağı qozğalısımızdı jalğastıra beremiz", - dep otır.

Mariana Rahoy Ispaniyanıñ oñtüstik-şığısında ornalasqan bay öñirdegi plebiscit (referendum) jüzege aspas üşin, qolınan kelgenniñ bärin jasaytının jetkizdi. Sonday-aq, Prem'er-ministr Kataloniyanıñ 947 merine referendumdı ötkizuge tosqauıl bolu turalı tapsırmalar berilgenin habarladı. Ispaniyanıñ Bas Prokurorı Hose Manuel Mazanıñ aytuınşa, atalğan tapsırmanı orındaudan bas tartqandar jazalanuı mümkin.

Ispaniyanıñ Joğarğı Sotı referendum ötkizudiñ el Konstitucisına qayşı keletinin alğa tartıp, oğan tıyım salatın şeşim şığarğan.

Ispaniya biliginiñ alañdauşılığı Kataloniya Prezidenti Karls Pudjemonttıñ qazirdiñ özinde 560 municipalitet referendumdı qoldaytının aytıp, 16 mıñ erikti saylauğa kömektesuge tirkelgeni turalı habarlamasınan keyin arta tüsti.

Keşe Kataloniyanıñ jergilikti Parlamenti Ispaniya Korol'diginen bölinip, jeke respublika atanuğa arnalğan  jobasın dayındadı. Eger halıqtıq referendum jeñiske jetse, zañ jobası küşine enip, jaña memleket qwrıladı.

Wlıbritaniyanıñ Aston universitetindegi Ispaniyadağı täuelsizdik jolındağı qozğalıstar mäselesi boyınşa sarapşı Kerolayn Grey Kataloniyanıñ täuelsizdigin älemdik qauımdastıqtıñ moyındauı qiın bolatının aytıp, aldağı referendumğa qatıstı alañdauşılıq bildirdi.

“The Qazaq Times”