Foto: Sergei Karpukhin/Reuters

Mwnay eksporttauşılar AQŞ, Qazaqstan, Äzerbayjan jäne basqa da elderdiñ şikizat öndirisin arttıruına baylanıstı älemdik narıqtı teñgestire almay otır. Mwnday mälimdemeni Reseydiñ Ortalıq banki qırküyek ayına arnalğan makroekonomikalıq esebinde jariyaladı. Olardıñ sözinşe, atalğan elder OPEK pen oğan müşe emes elderdiñ mwnay öndirudi şekteu turalı kelisimin bwzıp otır. 

Ayta keteyik, mwnay eksporttauşı elder arasındağı şikizat öndirisiniñ kölemin qısqartu turalı kelisim 2018 jıldıñ naurız ayına deyin jaraydı. Kelisim boyınşa OPEK-ke müşe elder öndiris kölemin täuligine 1,2 mln barrel'ge qısqartuı tiis. Al kartel'ge müşe emes elder  şikizat kölemin täuligine 558 mıñ barrel'ge qısqartuğa mindettelgen edi.

Al Qazaqstan bolsa şikizattı täuligine 20 mıñ barrel'ge az öndiruge kelisken. Alayda tarağan aqparat boyınşa Qazaqstan öndiristi azaytudıñ ornına kerisinşe köbeytken boluı mümkin.

"Äzirbayjan, Qazaqstan, Meksika jäne Omannıñ şikizat kölemin azaytu turalı kelisim kvotasına qatısu deñgeyi 70% ğana", - delingen Reseydiñ Ortalıq bankiniñ byuleteninde.

Ayta keteyik, bwdan bwrın da OPEK wyımı "Qazaqstan mwnay kölemin şekteuge qatıstı bwrınğı kelisimdi orındamağan boluı mümkin" degen aqparat taratqan. Olar "aldandıq" degendey keyip tanıtıp, "Qazaqstan kvota boyınşa kelisim ayasında öndiristi qısqartpağan" degen edi.

Mwnay - Qazaqstan ekonomikasın twraqtandırıp otırğan bastı narıq. Al onıñ kölemin qısqarta salu bilikke oñay timesi anıq. Sondıqtan basqalardıñ "Qazaqstan kelisimdi orındamadı" deui orındı söz boluı ıqtimal.

“The Qazaq Times”