Foto: AFP / FEDERICO PARRA

Venesuelada  säuir ayınan beri jalğasıp kele jatqan bilikke qarsı halıqtıq şerulerge jaña sipat berip, mıñdağan köterilisşileriniñ simvolına aynalğan azamat - Uilli Arteaga abaqtıdan bosatıldı. Bwl turalı APF aqparattıq agenttigi jazdı. 

Uilli Arteaga  jalpıhalıqtıq köterilis jürip jatqan kezde, policiya beketiniñ aldında twrıp skripkada oynağanı üşin, türmege jabılğan bolatın. Skripka tiline tuğan eliniñ änwranı men özge de patriottıq sarındağı änderin salıp, Ükimetke qarsılıq bildirudiñ erekşe formasın tañdağan ol, az künde köteriliske şıqqandardıñ arasında tanımal bolıp ketti. Erekşe simvolğa aynalğan surette Arteaga halıqqa qarsı qoldanılğan  közge jas keltiretin gazdıñ äserinen, janarı jasaurap, skripkada oynap twr.

Jas muzıkant biliktiñ tım älsiz, äri bolmaşı närseden qorqatın küyge tüskenin aytadı. Öytkeni jergilikti demonstranttardıñ arasında belgili bola bastağan Arteaganı olar, "zorlıq-zombılıqtı nasihattauşı" dep ayıptağan.

Jastar orkestriniñ qatarında öner körsetip jürgen jigit, qala köşelerindegi narazı halıqtıñ qatarına, barlığımen birge alañğa şıqqan muzıkant dosı policiya qolınan qaza tapqannan keyin qosılğan. "Skripkadağı eñ alğaşqı "qarsılıq gimnin" dosımnıñ jerleu räsiminde oynadım", - deydi ol.

“The Qazaq Times”