Foto: RIA Novosti / Dmitriy Astahov

Birikken Wlttar Wyımınıñ Qauipsizdik Keñesi Soltüstik Koreyanıñ sutegi bombasın sınaqtan ötkizuine baylanıstı şwğıl kezdesu ötkizedi. Bwl turalı BWW-nıñ amerikalıq missiyasınıñ saytında jariyalandı. 

Kezdesudi ötkizu turalı bastamanı AQŞ, Japoniya, Franciya, Wlıbritaniya jäne Oñtüstik Koreya sındı birqatar el qoldağan.  Wsınıstı BWW-dağı AQŞ-tıñ twraqtı ökili Nikki Heyl aytqan.

Şwğıl jinalıs bügin Astana uaqıtımen keşki 20:00 şamasında ötedi.

Ayta keteyik, 3 qırküyek küni Soltüstik Koreya tağı bir yadrolıq sınaq ötkizdi. Seysmologtardıñ mälimetinşe, epicentr qaşıqtığı 3670-5310 km bolğan jäne yadrolıq sınaq ekpini Soltüstik Koreya Resey, Oñtüstik Koreya, Japoniya Qıtay eldi mekenderine sezilgen.

Oñtüstik Koreya Parlamenti qorğanıs jönindegi komitetiniñ basşısı Kim En Udıñ mälimetinşe, keşe KHDR sınaqtan ötkizgen sutegi bombasınıñ quatı 100 kilotonnanı qwraydı jäne bwl 1945 jılı japoniyalıq Nagasaki qalasına tastalğan bombadan 5 esege quattı. Eurosmi.ru basılımınıñ jazuınşa, Ekinşi dünie jüzilik soğıs kezinde AQŞ Nagasakige 20, Hirosimağa 13 kilotonna yadrolıq bomba tastağan.

Eskeretin jayt, Soltüstik Koreya osımen altınşı ret yadrolıq jarılıstı sınaqtan ötkizgen. Bwdan bölek memleket ay sayın ballistikalıq zımırandardı sınaqtan ötkizip, älem elderine qauip töndirip otır.

“The Qazaq Times”