Dini közqaras üşin vakcinaciyadan bas tartatındar köbeygen

Soñğı jıldarı Qazaqstandada, onıñ işinde batıs aymaqtarda dini közqaras boyınşa vakcinaciyadan bas tartu mäselesi özekti bolıp otır. Atalğan aymaqtarda bwl körsetkiş 80 % qwraydı, dep habarlaydı QR Din isteri jäne azamattıq qoğam ministrliginiñ baspasöz qızmeti.

Dini közqarası boyınşa ekpeden bas tartu Atırau oblısında 88,9%, Aqtöbe oblısında – 87,9%, Batıs Qazaqstanda oblısında 89,3% qwraydı. Dini közqarası boyınşa bas tartudıñ joğarı körsetkişi Oñtüstik Qazaqstanda da bayqaladı (71,3%).

2016 jılı Qazaqstan Respublikasında  profilaktikalıq ekpeden bas tartu tirkeldi. 2015 jılmen salıstırğanda bas tartqandar sanı 13,4% (8383) öskeni bayqaladı.

Bas tartudıñ negizgi sebepteri 45% (4360) jeke mäsele boyınşa,  42,9% (4151) dini közqarası boyınşa bas tartsa, al, 6,2% (600) bwqaralıq aqparat qwraldarında jariyalanğan jağımsız aqparttıñ saldarınan ekpeden bas tartqan. Twrğındardıñ 6,1% (589) vakcinağa senimsizdik bildiredi.

"Qazaqstan Respublikası Densaulıq saqtau ministrliginiñ aqparatı boyınşa vakcinadan bas tartu sanınıñ ösui vakcinalıq basqaruğa bolatın infekciyağa beyim kontigenttiñ boluına äkep soğadı. Bwl olar auırğan jağdayda mügedektik nemese adam ölimine deyin auır asqınularğa äkeledi", delingen baspasöz habarlamasında.

Qazaqstan Respublikası Konstituciyasınıñ 31 babına säykes memleket adamnıñ densaulığı men ömiri üşin jağday jasau, qorşağan ortanı qorğaudı maqsat etip qoyadı.

Qazaqstan Respublikası Konstituciyasınıñ 39 babına säykes adamnıñ jäne azamattıñ qwqıqtarı men bostandıqtarı twrğındardıñ densaulığın qorğau maqsatında qajetti deñgeyde zañmen şektelui mümkin.

Ministrliktiñ mälimetinşe, qazirgi uaqıtta zañ jobası ayasında qarastırılıp otırğan mindetti vakcinaciyanı engizu mäselesi talqılanuda.

“The Qazaq Times”