Türkistan oblısındağı eki medicina qızmetkeri vakcinanıñ jalğan qwjatın jasadı degen küdikke ilindi. Bwl turalı oblıstıq policiya departamenti habarladı. 

Departament mälimetinşe, Qazığwrt audanı policiya bölimine belgisiz azamat habarlasıp, audanında 3 twrğın vakcina pasportın jasatqanın aytqan. Sol habarlamağa süyengen policiya audandıq auruhanasınıñ 2 qızmetkerin wstağan.

«Jalğan qwjattardı, mörtabandardı, mörlerdi, blankilerdi, memlekettik poşta tölemi belgilerin, memlekettik nagradalardı qoldan jasau, dayındau nemese ötkizu» qılmıstıq qwqıq bwzuşılığı boyınşa sotqa deyingi tergeu amaldarı jürgizilip jatır. Audan policeyleriniñ anıqtauı boyınşa medicina qızmetkerleri 3 twrğınğa jalğan qwjat jasağan. Qazirgi tañda oqiğanıñ tolıq män-jayı anıqtalıp jatır» delingen policiya departamenti tarqan habarlamada.

Qazaqstanda koronavirusqa qarsı vakcina sala bastağan sätten bastap jalğan pasport jasatqandar jaylı aqparat taradı. Eldiñ birine aymağında vakcina pasportın satqandar wstalıp, jauapqa tartıldı.

The Qazaq Times